അഷ്ടമൂർതി ശിവ സ്തോത്രം
ത്വം ഭാഭിരാഭിരഭിഭൂയ തമഃ സമസ്ത-
മസ്തം നയസ്യഭിമതാനി നിശാചരാണാം.
ദേദീപ്യസേ ദിവമണേ ഗഗനേ ഹിതായ
ലോകത്രയസ്യ ജഗദീശ്വര തന്നമസ്തേ.
ലോകേഽതിവേല- മതിവേലമഹാമഹോഭിർ-
നിർഭാസിതൗ ച ഗഗനേഽഖിലലോകനേത്രഃ.
വിദ്രാവിതാഖിലതമാഃ സുതമോ ഹിമാംശോ
പീയൂഷപൂരപരിപൂരിത തന്നമസ്തേ.
ത്വം പാവനേ പഥി സദാഗതിരപ്യുപാസ്യഃ
കസ്ത്വാം വിനാ ഭുവനജീവന ജീവതീഹ.
സ്തബ്ധപ്രഭഞ്ജന- വിവർധിതസർവജന്തോഃ
സന്തോഷിതാഹികുല സർവഗ വൈ നമസ്തേ.
വിശ്വൈകപാവക ന താവകപാവകൈക-
ശക്തേ-ര്ഋതേ മൃതവതാമൃതദിവ്യകായം.
പ്രാണിഷ്യദോ ജഗദഹോ ജഗദന്തരാത്മം-
സ്ത്വം പാവകഃ പ്രതിപദം ശമദോ നമസ്തേ.
പാനീയരൂപ പരമേശ ജഗത്പവിത്ര
ചിത്രാഽതിചിത്രസുചരിത്രകരോഽസി നൂനം.
വിശ്വം പവിത്രമമലം കില വിശ്വനാഥ
പാനീയഗാഹനത ഏതദതോ നതോഽസ്മി.
ആകാശരൂപ ബഹിരന്തരുതാവകാശ-
ദാനാദ്വികസ്വരമിഹേശ്വര വിശ്വമേതത്.
ത്വത്തഃ സദാ സദയ സംശ്വസിതി സ്വഭാവാത്
സങ്കോചമേതി ഭവതോഽസ്മി നതസ്തതസ്ത്വാം.
വിശ്വംഭരാത്മക ബിഭർഷി വിഭോഽത്ര വിശ്വം
കോ വിശ്വനാഥ ഭവതോഽന്യതമസ്തമോഽരിഃ.
സ ത്വം വിനാശയ തമോ മമ ചാഹിഭൂഷ
സ്തവ്യാത്പരഃ പരപരം പ്രണതസ്തതസ്ത്വാം.
ആത്മസ്വരൂപ തവരൂപപരമ്പരാഭി-
രാഭിസ്തതം ഹര ചരാചരരൂപേതത്.
സർവാന്തരാത്മനിലയ പ്രതിരൂപരൂപ
നിത്യം നതോഽസ്മി പരമാത്മജനോഽഷ്ടമൂർതേ.
ഇത്യഷ്ടമൂർതിഭി- രിമാഭിരബന്ധുബന്ധോ
യുക്തഃ കരോഷി ഖലു വിശ്വജനീനമൂർതേ.
ഏതത്തതം സുവിതതം പ്രണതപ്രണീത
സർവാർഥസാർഥപരമാർഥ തതോ നതോഽസ്മി.
Recommended for you
പരശുരാമ സ്തോത്രം
കരാഭ്യാം പരശും ചാപം ദധാനം രേണുകാത്മജം. ജാമദഗ്ന്യം ഭജേ ര....
Click here to know more..ഗണപതി പഞ്ചക സ്തോത്രം
ഗണേശമജരാമരം പ്രഖരതീക്ഷ്ണദംഷ്ട്രം സുരം ബൃഹത്തനുമനാമയം....
Click here to know more..സ്വർഗ്ഗത്തിലെ ചില വിശേഷങ്ങൾ
Click here to know more..
