അഘോര രുദ്ര അഷ്ടക സ്തോത്രം
കാലാഭ്രോത്പലകാല- ഗാത്രമനലജ്വാലോർധ്വ- കേശോജ്ജ്വലം
ദംഷ്ട്രാദ്യസ്ഫുടദോഷ്ഠ- ബിംബമനലജ്വാലോഗ്ര- നേത്രത്രയം.
രക്താകോരക- രക്തമാല്യരുചിരം രക്താനുലേപപ്രിയം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
ജംഘാലംബിതകിങ്കിണീ- മണിഗണപ്രാലംബി- മാലാഞ്ചിതം
ദക്ഷാന്ത്രം ഡമരും പിശാചമനിശം ശൂലം ച മൂലം കരൈഃ.
ഘണ്ടാഖേടക- പാലശൂലകയുതം വാമസ്ഥിതേ ബിഭ്രതം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
നാഗേന്ദ്രാവൃതമൂർധ്നിജ- സ്ഥിതഗലശ്രീഹസ്ത- പാദാംബുജം
ശ്രീമദ്ദോഃകടികുക്ഷി- പാർശ്വമഭിതോ നാഗോപവീതാവൃതം.
ലൂതാവൃശ്ചിക- രാജരാജിതമഹാ- ഹാരാങ്കിതോരഃസ്സ്ഥലം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
ധൃത്വാ പാശുപതാസ്ത്രനാമ കൃപയാ യത്കുണ്ഡലി പ്രാണിനാം
പാശാന്യേ ക്ഷുരികാസ്ത്രപാശ- ദലിതഗ്രന്ഥിം ശിവാസ്ത്രാഹ്വയം.
വിഘ്നാകാങ്ക്ഷിപദം പ്രസാദനിരതം സർവാപദാം താരകം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
ഘോരാഘോരതരാനനം സ്ഫുടദൃശം സമ്പ്രസ്ഫുരച്ഛൂലകം
പ്രാജ്യം നൃത്തസുരൂപകം ചടചടജ്വാലാഗ്നി- തേജഃകചം.
ജാനുഭ്യാം പ്രചടത്കൃതാരിനികരം സ്ത്രഗ്രുണ്ഡമാലാന്വിതം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
ഭക്താനിഷ്ടക- ദുഷ്ടസർപദുരിത- പ്രധ്വംസനോദ്യോഗയുക്
ഹസ്താഗ്രം ഫണിബദ്ധഹസ്തചരണം പ്രാരബ്ധയാത്രാപരം.
സ്വാവൃത്ത്യാസ്ഥിത- ഭീഷണാങ്കനികര- പ്രാരബ്ധസൗഭാഗ്യകം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
യന്മന്ത്രാക്ഷരലാഞ്ഛിതാപ- ഘനവന്മർത്യാശ്ച വജ്രാർചിഷോ
ഭൂതപ്രേതപിശാചരാക്ഷസ- കലാനിർഘാതപാതാ ഇവ.
ഉത്സന്നാശ്ച ഭവന്തി സർവദുരിത- പ്രോച്ചാടനോത്പാദകം
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
യദ്ധ്യാനോദ്യത- പൂരുഷോഷിതഗൃഹഗ്രാമ- സ്ഥിരാസ്ഥായിനോ
ഭൂതപ്രേതപിശാച- രാക്ഷസഹതാ നിർഘാതപാതാ ഇവ.
യദ്രൂപം വിധിനാ സ്മരൻ ഹി വിജയീ ശത്രുക്ഷയം പ്രാപ്നുയാദ്
വന്ദേഽഭീഷ്ടഫലാപ്തയേ- ഽംഘ്രികമലേഽഘോരാസ്ത്ര- മന്ത്രേശ്വരം.
Recommended for you
സുബ്രഹ്മണ്യ പഞ്ചരത്ന സ്തോത്രം
ശ്രുതിശതനുതരത്നം ശുദ്ധസത്ത്വൈകരത്നം യതിഹിതകരരത്നം യജ....
Click here to know more..മഹാലക്ഷ്മീ അഷ്ടകം
നമസ്തേഽസ്തു മഹാമായേ ശ്രീപീഠേ സുരപൂജിതേ। ശംഖചക്രഗദാഹസ....
Click here to know more..മറ്റുള്ളവരോട് ക്ഷമിക്കാനുതകുന്ന ഒരു ധ്യാനം
മറ്റുള്ളവരോട് ക്ഷമിക്കാനുതകുന്ന ഒരു ധ്യാനം....
Click here to know more..
