സുരേന്ദ്രദേവഭൂതമുഖ്യസംവൃതം
ഗലേ ഭുജംഗഭൂഷണം ഭയാഽപഹം .
സമസ്തലോകവന്ദിതം സുനന്ദിതം
വൃഷാധിരൂഢമവ്യയം പരാത്പരം ..
വന്ദേ ശിവശങ്കരം .
അനാഥനാഥമർകദീപ്തിഭാസുരം
പ്രവീണവിപ്രകീർതിതം സുകീർതിദം .
വിനായകപ്രിയം ജഗത്പ്രമർദനം
നിരഗ്രജം നരേശ്വരം നിരീശ്വരം ..
വന്ദേ ശിവശങ്കരം .
പിനാകഹസ്തമാശുപാപനാശനം
പരിശ്രമേണ സാധനം ഭവാഽമൃതം .
സ്വരാപഗാധരം ഗുണൈർവിവർജിതം
വരപ്രദായകം വിവേകിനം വരം ..
വന്ദേ ശിവശങ്കരം .
ദയാപയോനിധിം പരോക്ഷമക്ഷയം
കൃപാകരം സുഭാസ്വരം വിയത്സ്ഥിതം .
മുനിപ്രപൂജിതം സുരം സഭാജയം
സുശാന്തമാനസം ചരം ദിഗംബരം .
വന്ദേ ശിവശങ്കരം .
തമോവിനാശനം ജഗത്പുരാതനം
വിപന്നിവാരണം സുഖസ്യ കാരണം .
സുശാന്തതപ്തകാഞ്ചനാഭമർഥദം
സ്വയംഭുവം ത്രിശൂലിനം സുശങ്കരം ..
വന്ദേ ശിവശങ്കരം .
ഹിമാംശുമിത്രഹവ്യവാഹലോചനം
ഉമാപതിം കപർദിനം സദാശിവം .
സുരാഗ്രജം വിശാലദേഹമീശ്വരം
ജടാധരം ജരാന്തകം മുദാകരം ..
വന്ദേ ശിവശങ്കരം .
സമസ്തലോകനായകം വിധായകം
ശരത്സുധാംശുശേഖരം ശിവാഽഽവഹം .
സുരേശമുഖ്യമീശമാഽഽശുരക്ഷകം
മഹാനടം ഹരം പരം മഹേശ്വരം ..
വന്ദേ ശിവശങ്കരം .
ശിവസ്തവം ജനസ്തു യഃ പഠേത് സദാ
ഗുണം കൃപാം ച സാധുകീർതിമുത്തമാം .
അവാപ്നുതേ ബലം ധനം ച സൗഹൃദം
ശിവസ്യ രൂപമാദിമം മുദാ ചിരം ..
വന്ദേ ശിവശങ്കരം .
ഗുഹ മാനസ പൂജാ സ്തോത്രം
ഗുകാരോ ഹ്യാഖ്യാതി പ്രബലമനിവാര്യം കില തമോ ഹകാരോ ഹാനിം ച ....
Click here to know more..ഗണേശ അഷ്ടോത്തര ശതനാമാവലീ
ഓം ഗണേശ്വരായ നമഃ ഓം ഗണക്രീഡായ നമഃ ഓം മഹാഗണപതയേ നമഃ ഓം വി....
Click here to know more..ദുർഗ്ഗാദേവിയെ അഭയം പ്രാപിക്കുന്നതിനുള്ള മന്ത്രം
ഓം ഹ്രീം ദും ദുർഗാം ദേവീം ശരണമഹം പ്രപദ്യേ....
Click here to know more..