Pratyangira Homa for protection - 16, December
Pray for Pratyangira Devi's protection from black magic, enemies, evil eye, and negative energies by participating in this Homa.
Click here to participate
സ്നാനായ ഗാംഗസലിലേഽഥ സമർചനായ വിശ്വേശ്വരസ്യ ബഹുഭക്തജനാ ഉപേതാഃ.
ശ്രീകാലഭൈരവ ലസന്തി ഭവന്നിദേശം ഉത്തിഷ്ട ദർശയ ദശാം തവ സുപ്രഭാതം.
യാഗവ്രതാദിബഹുപുണ്യവശം യഥാ ത്വം പാപാത്മനാമപി തഥാ സുഗതിപ്രദാഽസി.
കാരുണ്യപൂരമയി ശൈലസുതാസപത്നി മാതർഭഗീരഥസുതേ തവ സുപ്രഭാതം.
ദുഗ്ധപ്രവാഹകമനീയതരംഗഭംഗേ പുണ്യപ്രവാഹപരിപാഥിതഭക്തസംഗേ.
നിത്യം തപസ്വിജനസേവിതപാദപദ്മേ ഗംഗേ ശരണ്യശിവദേ തവ സുപ്രഭാതം.
വാരാണസീസ്ഥിതഗജാനന ധുണ്ഢിരാജ സമ്പ്രാർഥിതേഽഷ്ടഫലദാനസമർഥമൂർതേ.
ഉത്തിഷ്ട വിഘ്നവിരഹായ ഭജാമഹേ ത്വാം ശ്രീപാർവതീതനയ ഭോസ്തവ സുപ്രഭാതം.
പൂജാസ്പദ പ്രഥമമേവ സുരേശു മധ്യേ സമ്പൂരണേ കുശല ഭക്തമനോരഥാനാം.
ഗീർവാണബൃന്ദപരിപൂജിതപാദപദ്മ സഞ്ജായതാം ഗണപതേ തവ സുപ്രഭാതം.
കാത്യായനീ പ്രമഥനാഥശരീരഭാഗേ ഭക്താലിഗീതമുഖരീകൃതപാദപദ്മേ.
ബ്രഹ്മാദിദേവഗണവന്ദിതദിവ്യശൗര്യേ ശ്രീവിശ്വനാഥദയിതേ തവ സുപ്രഭാതം
പ്രാതഃ പ്രസീദ വിമലേ കമലായതാക്ഷി കാരുണ്യപൂർണഹൃദയേ നമതാം ശരണ്യേ.
നിർധൂതപാപനിചയേ സുരപൂജിതാംഘ്രേ ശ്രീവിശ്വനാഥദയിതേ തവ സുപ്രഭാതം.
സസ്യാനുകൂലജലവർഷണകാര്യഹേതോഃ ശാകംഭരീതി തവ നാമ ഭുവി പ്രസിദ്ദം.
സസ്യാതിജാതമിഹ ശുഷ്യതി ചാന്നപൂർണേ ഉത്തിഷ്ട സർവഫലദേ തവ സുപ്രഭാതം.
സർവോത്തമം മാനവജന്മ ലബ്ധ്വാ ഹിനസ്തി ജീവാൻ ഭുവി മർത്യവർഗഃ.
തദ്ദാരണായാശു ജഹീഹി നിദ്രാം ദേവ്യന്നപൂർണേ തവ സുപ്രഭാതം.
ശ്രീകണ്ഠ കണ്ഠധൃതപന്നഗ നീലകണ്ഠ സോത്കണ്ഠഭക്തനിവഹോപഹിതോപകണ്ഠ.
ഉത്തിഷ്ട സർവജനമംഗലസാധനായ വിശ്വപ്രജാപ്രഥിതഭദ്ര ജഹീഹി നിദ്രാം.
ഗംഗാധരാദ്രിതനയാപ്രിയ ശാന്തമൂർതേ വേദാന്തവേദ്യ സകലേശ്വര വിശ്വമൂർതേ.
കൂടസ്ഥനിത്യ നിഖിലാഗമഗീതകീർതേ ദേവാസുരാർചിത വിഭോ തവ സുപ്രഭാതം.
ശ്രീവിശ്വനാഥകരുണാമൃതപൂർണസിന്ധോ ശീതാംശുഖണ്ഡസമലങ്കൃതഭവ്യചൂഡ.
ഭസ്മാംഗരാഗപരിശോഭിതസർവദേഹ വാരാണസീപുരപതേ തവ സുപ്രഭാതം.
ദേവാദിദേവ ത്രിപുരാന്തക ദിവ്യഭാവ ഗംഗാധര പ്രമഥവന്ദിത സുന്ദരാംഗ.
നാഗേന്ദ്രഹാര നതഭക്തഭയാപഹാര വാരാണസീപുരപതേ തവ സുപ്രഭാതം.
വേദാന്തശാസ്ത്രവിശദീകൃതദിവ്യമൂർതേ പ്രത്യൂഷകാലമുനിപുംഗവഗീതകീർതേ.
ത്വയ്യർപിതാർജിതസമസ്തസുരക്ഷണസ്യ വാരാണസീപുരപതേ തവ സുപ്രഭാതം.
കൈലാസവാസമുനിസേവിതപാദപദ്മ ഗംഗാജലൗഘപരിഷിക്തജടാകലാപ.
വാചാമഗോചരവിഭോ ജടിലത്രിനേത്ര വാരാണസീപുരപതേ തവ സുപ്രഭാതം.
ശ്രീപാർവതീഹൃദയവല്ലഭ പഞ്ചവക്ത്ര ശ്രീനീലകണ്ഠ നൃകപാലകലാപമാല.
ശ്രീവിശ്വനാഥമൃദുപങ്കജമഞ്ജുപാദ ശ്രീകാശികാപുരപതേ തവ സുപ്രഭാതം.
കാശീ ത്രിതാപഹരണീ ശിവസദ്മഭൂതാ ശർമേശ്വരീ ത്രിജഗതാം സുപുരീഷു ഹൃദ്യാ.
വിദ്യാകലാസു നവകൗശലദാനശീലാ ശ്രീകാശികാപുരപതേ തവ സുപ്രഭാതം.
ശ്രീവിശ്വനാഥ തവ പാദയുഗം സ്മരാമി ഗംഗാമഘാപഹരണീം ശിരശാ നമാമി.
വാചം തവൈവ യശസാഽനഘ ഭൂഷയാമി വാരാണസീപുരപതേ തവ സുപ്രഭാതം.
നാരീനതേശ്വരയുതം നിജചാരുരൂപം സ്ത്രീഗൗരവം ജഗതി വർധയിതും തനോഷി.
ഗംഗാം ഹി ധാരയസി മൂർധ്നി തഥൈവ ദേവ വാരാണസീപുരപതേ തവ സുപ്രഭാതം.
ശ്രീനിവാസ പ്രാതഃസ്മരണ സ്തോത്രം
മാണിക്യകാന്തിവിലസന്മുകുടോർധ്വപുണ്ഡ്രം പദ്മാക്ഷലക്ഷ....
Click here to know more..ഏകദന്ത സ്തുതി
ഗണേശമേകദന്തം ച ഹേരംബം വിഘ്നനായകം. ലംബോദരം ശൂർപകർണം ഗജവ....
Click here to know more..വൈരുദ്ധ്യങ്ങളെ വിശകലനം ചെയ്യാന്‍ പോകാതെ അവയെ സമന്വയിപ്പിക്കുന്നതാണ് യോഗം
