പാർവതീ പതി സ്തുതി
പാർവതീപതിം പ്രഭും പിനാകിനം
മൃത്യുമൃത്യുമീശ്വരം വൃഷധ്വജം .
വ്യോമകേശമീശമുഗ്രദേഹിനം
നീലലോഹിതം ജടാധരം ഭജേ .
ത്ര്യംബകം കപർദിനം മഹേശ്വരം
ശൂലിനം ഗിരീശമബ്ജശേഖരം .
ഭാനുകോടിതുല്യമാദിശങ്കരം
സോമസൂര്യവഹ്നിലോചനം ഭജേ .
ധൂർജടിം ഗുഹാശയാംബരം വരം
സർവമംഗലേശ്വരം ജഗത്പതിം .
സ്ഥാണുമന്ധകാന്തകം കപാലിനം
കൃത്തിവാസസം ഹരം ഭവം ഭജേ .
ചക്രപാണിശക്രധാതൃവന്ദിതം
ദന്ദശൂകഭൂഷണം കൃപാകരം .
നന്ദിവർദ്ധനം ജഗദ്വിനാശകം
പാംശുചന്ദനം മഹാനടം ഭജേ .
വാമദേവമംബികാമനഃപ്രിയം
കാമലോഭമോഹനാശകം സുരം .
സ്വർഗമോക്ഷദായകം സദാനഘം
ദക്ഷയജ്ഞഹാരകം ശിവം ഭജേ .
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
