വിശ്വനാഥ പഞ്ചക സ്തോത്രം
തരംഗഭംഗശോഭിഗംഗയാഭിഷിക്തപാർവതീ-
പതേ പദം സമസ്തപാപതാപതാരകം തവ.
ശ്രയേ ശിവാശുതോഷ ലോകപാശമാശു നാശയ
പ്രമത്തമത്തമോവൃതം മനഃപ്രബോധയ പ്രഭോ ..1..
നൂതനോഢസുന്ദരീസമാനമണ്ഡിതാം ഭുവം
മന്ദിരേ വിലോകിതും സമുത്സുകം മനോ മമ.
വ്യാവ്യ ഗർഭഗേഹഗർതഭൂമിഭാഗമായതം
ശങ്കരഃ പ്രകർഷതി പ്രദർശ്യ വിക്രമം നിജം ..2..
വിനിർഗതാംബുമേഘവൃന്ദസുപ്രഭാസഹോദര-
ശ്മശാനഭസ്മലേപിതാംഗസുന്ദരം മഹേശ്വരം.
ചലദ്ഭുജംഗകങ്കണപ്രജാതരോമഹർഷണം
മുഹുർമുഹുസ്സ്മരന്നുപൈമി രോമഹർഷണം ഭൃശം..3..
നാതിദൂരതോഽഗ്രതഃ പ്രസാരിതേന പാണിനാ
ഭാവുകൈഃ കൃതം ജലാർചനം ഹി പൂർണകുംഭതഃ.
ലാലയാ പ്രപൂരിതം ശിശോർമനോജ്ഞചുംബനം
മോദകം പിതുര്യഥാ തഥാ വിഭാതി നിശ്ചയം..4..
നിരന്തരം ഹൃദംഗണേ വിഭാസമാനവിഗ്രഹം
ചിരന്തനം വിഭാവയാമി ലിംഗരൂപിണം ശിവം.
തനോതു ലോകമംഗലം ദിശേച്ച സത്പഥം നൃണാം
നിജാത്മഭാവജാഗ്രതൗ തദസ്തു കാരണം ദ്രുതം..5..
ശോഭനേ സിതേ ശിവസ്യ മാഘമാസികേ ദിനേ
ധേനുധൂളിസംയുതേഽതിപാവനേ മുഹൂർതകേ.
കാശികാപുരാധിനാഥ ദർശനം പ്രപൂജനം
ജാതമദ്യ തേ കൃപാഭരേണ ചന്ദ്രശേഖര..6..
ദൃഷ്ടാ കാശീതി ഹർഷേണ വിശ്വനാഥസ്യ പഞ്ചകം.
ശിവരാത്രൗ ശിവായേദം ബാലചന്ദ്രേണ നിർമിതം..7..
Other stotras
