ത്രിനേത്ര സ്തുതി

ദക്ഷാധ്വരധ്വംസനകാര്യദക്ഷ
മദ്ദക്ഷനേത്രസ്ഥിതസൂര്യരൂപ |
കടാക്ഷദൃഷ്ട്യാ മനുജപ്രസാദ
മന്നേത്രരോഗം ശമയ ത്രിനേത്ര ||

വാമാകൃതേ ശുഭ്രശശാങ്കമൗലേ
മദ്വാമനേത്രസ്ഥിതചന്ദ്രരൂപ |
സഹസ്രനേത്രാദ്യമരപ്രപൂജ്യ
മന്നേത്രരോഗം ശമയ ത്രിനേത്ര ||

സർവജ്ഞാനിൻ സർവനേത്രപ്രകാശ
മജ്ജ്ഞാനാക്ഷിക്ഷേത്രജാഗ്നിസ്വരൂപ |
ഭക്തസ്യാശ്രും സ്വാശ്രുവന്മന്യമാന
മജ്ജ്ഞാനാക്ഷിം ഹേ ശിവോന്മീലയാഽഽശു ||

നേത്രാത്തോയപ്രപാതം ശമയ ശമയ ഭോ ദൂരദൃഷ്ടിം ദ്വിദൃഷ്ടിം
രാത്ര്യന്ധത്വാഖ്യരോഗം ശമയ ശമയ ഭോ ചക്ഷുഷോഽസ്പഷ്ടദൃഷ്ടിം |
വർണാന്ധത്വാല്പദൃഷ്ടീ ശമയ ശമയ ഭോ നേത്രരക്തത്വരോഗം
മന്നേത്രാലസ്യരോഗം ശമയ ശമയ ഭോ ഹേ ത്രിനേത്രേശ ശംഭോ ||

Ramaswamy Sastry and Vighnesh Ghanapaathi

Other stotras