നൃത്യ വിജയ നടരാജ സ്തോത്രം

നമോഽസ്തു നടരാജായ സർവസിദ്ധിപ്രദായിനേ . 
സദാശിവായ ശാന്തായ നൃത്യശാസ്ത്രൈകസാക്ഷിണേ ..

ഭോ നടേശ സുരശ്രേഷ്ഠ മാം പശ്യ കൃപയാ ഹര . 
കൗശലം മേ പ്രദേഹ്യാഽഽശു നൃത്യേ നിത്യം ജടാധര ..

സർവാംഗസുന്ദരം ദേഹി ഭാവനാം ശുദ്ധിമുത്തമാം . 
നൃത്യേഽഹം വിജയീ ജായേ ത്വദനുഗ്രഹലാഭതഃ ..

ശിവായ തേ നമോ നിത്യം നടരാജ വിഭോ പ്രഭോ . 
ദ്രുതം സിദ്ധിം പ്രദേഹി ത്വം നൃത്യേ നാട്യേ മഹേശ്വര ..

നമസ്കരോമി ശ്രീകണ്ഠ തവ പാദാരവിന്ദയോഃ . 
നൃത്യസിദ്ധിം കുരു സ്വാമിൻ നടരാജ നമോഽസ്തു തേ ..

സുസ്തോത്രം നടരാജസ്യ പ്രത്യഹം യഃ പഠേത് സുധീഃ . 
നൃത്യേ വിജയമാപ്നോതി ലോകപ്രീതിം ച വിന്ദതി ..

Ramaswamy Sastry and Vighnesh Ghanapaathi

Other stotras