सुरेन्द्रदेवभूतमुख्यसंवृतं
गले भुजङ्गभूषणं भयाऽपहम् ।
समस्तलोकवन्दितं सुनन्दितं
वृषाधिरूढमव्ययं परात्परम् ।।
वन्दे शिवशङ्करम् ।
अनाथनाथमर्कदीप्तिभासुरं
प्रवीणविप्रकीर्तितं सुकीर्तिदम् ।
विनायकप्रियं जगत्प्रमर्दनं
निरग्रजं नरेश्वरं निरीश्वरम् ।।
वन्दे शिवशङ्करम् ।
पिनाकहस्तमाशुपापनाशनं
परिश्रमेण साधनं भवाऽमृतम् ।
स्वरापगाधरं गुणैर्विवर्जितं
वरप्रदायकं विवेकिनं वरम् ।।
वन्दे शिवशङ्करम् ।
दयापयोनिधिं परोक्षमक्षयं
कृपाकरं सुभास्वरं वियत्स्थितम् ।
मुनिप्रपूजितं सुरं सभाजयं
सुशान्तमानसं चरं दिगम्बरम् ।
वन्दे शिवशङ्करम् ।
तमोविनाशनं जगत्पुरातनं
विपन्निवारणं सुखस्य कारणम् ।
सुशान्ततप्तकाञ्चनाभमर्थदं
स्वयंभुवं त्रिशूलिनं सुशङ्करम् ।।
वन्दे शिवशङ्करम् ।
हिमांशुमित्रहव्यवाहलोचनम्
उमापतिं कपर्दिनं सदाशिवम् ।
सुराग्रजं विशालदेहमीश्वरं
जटाधरं जरान्तकं मुदाकरम् ।।
वन्दे शिवशङ्करम् ।
समस्तलोकनायकं विधायकं
शरत्सुधांशुशेखरं शिवाऽऽवहम् ।
सुरेशमुख्यमीशमाऽऽशुरक्षकं
महानटं हरं परं महेश्वरम् ।।
वन्दे शिवशङ्करम् ।
शिवस्तवं जनस्तु यः पठेत् सदा
गुणं कृपां च साधुकीर्तिमुत्तमाम् ।
अवाप्नुते बलं धनं च सौहृदं
शिवस्य रूपमादिमं मुदा चिरम् ।।
वन्दे शिवशङ्करम् ।
जगन्नाथ अष्टक स्तोत्र
कदाचित् कालिन्दीतटविपिनसङ्गीतकवरो मुदा गोपीनारीवदनकम....
Click here to know more..शिव तांडव स्तोत्र
जटाटवीगलज्जल- प्रवाहपावितस्थले गलेऽवलम्ब्य लम्बितां भ....
Click here to know more..कुंडेश्वर महादेव, टीकमगढ़, मध्य प्रदेश
१५वीं शताब्दि में धन्ती नाम की एक खटकिन को इस कुंड में स्थ....
Click here to know more..