త్రినేత్ర స్తుతి
దక్షాధ్వరధ్వంసనకార్యదక్ష
మద్దక్షనేత్రస్థితసూర్యరూప |
కటాక్షదృష్ట్యా మనుజప్రసాద
మన్నేత్రరోగం శమయ త్రినేత్ర ||
వామాకృతే శుభ్రశశాంకమౌలే
మద్వామనేత్రస్థితచంద్రరూప |
సహస్రనేత్రాద్యమరప్రపూజ్య
మన్నేత్రరోగం శమయ త్రినేత్ర ||
సర్వజ్ఞానిన్ సర్వనేత్రప్రకాశ
మజ్జ్ఞానాక్షిక్షేత్రజాగ్నిస్వరూప |
భక్తస్యాశ్రుం స్వాశ్రువన్మన్యమాన
మజ్జ్ఞానాక్షిం హే శివోన్మీలయాఽఽశు ||
నేత్రాత్తోయప్రపాతం శమయ శమయ భో దూరదృష్టిం ద్విదృష్టిం
రాత్ర్యంధత్వాఖ్యరోగం శమయ శమయ భో చక్షుషోఽస్పష్టదృష్టిం |
వర్ణాంధత్వాల్పదృష్టీ శమయ శమయ భో నేత్రరక్తత్వరోగం
మన్నేత్రాలస్యరోగం శమయ శమయ భో హే త్రినేత్రేశ శంభో ||
Other stotras
Copyright © 2025 | Vedadhara | All Rights Reserved. | Designed & Developed by Claps and Whistles
