అర్ధనారీశ్వర స్తోత్రం
Video - Ardhanareeshwara Stotram
చాంపేయగౌరార్ధశరీరకాయై
కర్పూరగౌరార్ధశరీరకాయ.
ధమ్మల్లికాయై చ జటాధరాయ
నమః శివాయై చ నమః శివాయ.
కస్తూరికాకుంకుమచర్చితాయై
చితారజఃపుంజవిచర్చితాయ.
కృతస్మరాయై వికృతస్మరాయ
నమః శివాయై చ నమః శివాయ.
ఝణత్కణత్కంకణనూపురాయై
పాదాబ్జరాజత్ఫణినూపురాయై.
హేమాంగదాయై భుజగాంగదాయ
నమః శివాయై చ నమః శివాయ.
విశాలనీలోత్పలలోచనాయై
వికాసిపంకేరుహలోచనాయ.
సమేక్షణాయై విషమేక్షణాయ
నమః శివాయై చ నమః శివాయ.
మందారమాలాకలితాలకాయై
కపాలమాలాంకితకంధరాయ.
దివ్యాంబరాయై చ దిగంబరాయ
నమః శివాయై చ నమః శివాయ.
అంభోధరశ్యామలకుంతలాయై
తటిత్ప్రభాతామ్రజటాధరాయ.
నిరీశ్వరాయై నిఖిలేశ్వరాయ
నమః శివాయై చ నమః శివాయ.
ప్రపంచసృష్ట్యున్ముఖలాస్యకాయై
సమస్తసంహారకతాండవాయ.
జగజ్జనన్యై జగదేకపిత్రే
నమః శివాయై చ నమః శివాయ.
ప్రదీప్తరత్నోజ్జ్వలకుండలాయై
స్ఫురన్మహాపన్నగభూషణాయ.
శివాన్వితాయై చ శివాన్వితాయ
నమః శివాయై చ నమః శివాయ.
ఏతత్ పఠేదష్టకమిష్టదం యో
భక్త్యా స మాన్యో భువి దీర్ఘజీవీ.
ప్రాప్నోతి సౌభాగ్యమనంతకాలం
భూయాత్ సదా తస్య సమస్తసిద్ధిః.
Recommended for you
శంకరాచార్య భుజంగ స్తోత్రం
భవాంభోధిమగ్నాంజనాందుఃఖ- యుక్తాంజవాదుద్దిధీర్షుర్భవా-....
Click here to know more..అర్ధనారీశ్వర నమస్కార స్తోత్రం
శ్రీకంఠం పరమోదారం సదారాధ్యాం హిమాద్రిజాం| నమస్యామ్యర్....
Click here to know more..సుదీర్ఘమైన మరియు చురుకైన జీవితానికి అథర్వ వేద మంత్రం
విశ్వే దేవా వసవో రక్షతేమముతాదిత్యా జాగృత యూయమస్మిన్ . మ....
Click here to know more..
