ద్వాదశ జ్యోతిర్లింగ భుజంగ స్తోత్రం
సుశాంతం నితాంతం గుణాతీతరూపం
శరణ్యం ప్రభుం సర్వలోకాధినాథం|
ఉమాజానిమవ్యక్తరూపం స్వయంభుం
భజే సోమనాథం చ సౌరాష్ట్రదేశే|
సురాణాం వరేణ్యం సదాచారమూలం
పశూనామధీశం సుకోదండహస్తం|
శివం పార్వతీశం సురారాధ్యమూర్తిం
భజే విశ్వనాథం చ కాశీప్రదేశే|
స్వభక్తైకవంద్యం సురం సౌమ్యరూపం
విశాలం మహాసర్పమాలం సుశీలం|
సుఖాధారభూతం విభుం భూతనాథం
మహాకాలదేవం భజేఽవంతికాయాం|
అచింత్యం లలాటాక్షమక్షోభ్యరూపం
సురం జాహ్నవీధారిణం నీలకంఠం|
జగత్కారణం మంత్రరూపం త్రినేత్రం
భజే త్ర్యంబకేశం సదా పంచవట్యాం
భవం సిద్ధిదాతారమర్కప్రభావం
సుఖాసక్తమూర్తిం చిదాకాశసంస్థం|
విశామీశ్వరం వామదేవం గిరీశం
భజే హ్యర్జునం మల్లికాపూర్వమగ్ర్యం|
అనింద్యం మహాశాస్త్రవేదాంతవేద్యం
జగత్పాలకం సర్వవేదస్వరూపం|
జగద్వ్యషపినం వేదసారం మహేశం
భజేశం ప్రభుం శంభుమోంకారరూపం|
పరం వ్యోమకేశం జగద్బీజభూతం
మునీనాం మనోగేహసంస్థం మహాంతం|
సమగ్రప్రజాపాలనం గౌరికేశం
భజే వైద్యనాథం పరల్యామజస్రం|
గ్రహస్వామినం గానవిద్యానురక్తం
సురద్వేషిదస్యుం విధీంద్రాదివంద్యం|
సుఖాసీనమేకం కురంగం ధరంతం
మహారాష్ట్రదేశే భజే శంకరాఖ్యం|
సురేజ్యం ప్రసన్నం ప్రపన్నార్తినిఘ్నం
సుభాస్వంతమేకం సుధారశ్మిచూడం|
సమస్తేంద్రియప్రేరకం పుణ్యమూర్తిం
భజే రామనాథం ధనుష్కోటితీరే
క్రతుధ్వంసినం లోకకల్యాణహేతుం
ధరంతం త్రిశూలం కరేణ త్రినేత్రం|
శశాంకోష్ణరశ్మ్యగ్నినేత్రం కృపాలుం
భజే నాగనాథం వనే దారుకాఖ్యే|
సుదీక్షాప్రదం మంత్రపూజ్యం మునీశం
మనీషిప్రియం మోక్షదాతారమీశం|
ప్రపన్నార్తిహంతారమబ్జావతంసం
భజేఽహం హిమాద్రౌ సుకేదారనాథం
శివం స్థావరాణాం పతిం దేవదేవం
స్వభక్తైకరక్తం విముక్తిప్రదం చ|
పశూనాం ప్రభుం వ్యాఘ్రచర్మాంబరం తం
మహారాష్ట్రరాజ్యే భజే ధిష్ణ్యదేవం|
Recommended for you
వేదసార దక్షిణామూర్తి స్తోత్రం
వృతసకలమునీంద్రం చారుహాసం సురేశం వరజలనిధిసంస్థం శాస్త....
Click here to know more..సీతా రామ స్తోత్రం
అయోధ్యాపురనేతారం మిథిలాపురనాయికాం. రాఘవాణామలంకారం వై....
Click here to know more..భక్తిని పెంపొందించే హనుమాన్ మంత్రం
ఓం హం నమో హనుమతే రామదూతాయ రుద్రాత్మకాయ స్వాహా....
Click here to know more..
