శివ ఆపద్ విమోచన స్తోత్రం
శ్రీమత్కైరాతవేషోద్భటరుచిరతనో భక్తరక్షాత్తదీక్ష
ప్రోచ్చంటారాతిదృప్తద్విపనికరసముత్సారహర్యక్షవర్య .
త్వత్పాదైకాశ్రయోఽహం నిరుపమకరూణావారిధే భూరితప్త-
స్త్వామద్యైకాగ్రభక్త్యా గిరిశసుత విభో స్తౌమి దేవ ప్రసీద ..
పార్థః ప్రత్యర్థివర్గప్రశమనవిధయే దివ్యముగ్రం మహాస్త్రం
లిప్సుధ్ర్యాయన్ మహేశం వ్యతనుత వివిధానీష్టసిధ్యై తపాంసి .
దిత్సుః కామానముష్మై శబరవపురభూత్ ప్రీయమాణః పినాకీ
తత్పుత్రాత్మాఽవిరాసీస్తదను చ భగవన్ విశ్వసంరక్షణాయ ..
ఘోరారణ్యే హిమాద్రౌ విహరసి మృగయాతత్పరశ్చాపధారీ
దేవ శ్రీకంఠసూనో విశిఖవికిరణైః శ్వాపదానాశు నిఘ్నన్ .
ఏవం భక్తాంతరంగేష్వపి వివిధభయోద్భ్రాంతచేతోవికారాన్
ధీరస్మేరార్ద్రవీక్షానికరవిసరణైశ్చాపి కారుణ్యసింధో ..
విక్రాంతైరుగ్రభావైః ప్రతిభటనివహైః సన్నిరుద్ధాః సమంతా-
దాక్రాంతాః క్షత్రముఖ్యాః శబరసుత భవద్ధ్యానమగ్నాంతరంగాః .
లబ్ధ్వా తేజస్త్రిలోకీవిజయపటుసస్తారివంశప్రరోహాన్
దగ్ధ్వాఽసన్ పూర్ణకామాః ప్రదిశతు స భవాన్ మహ్రమాపద్విమోక్షం ..
Recommended for you
స్వామినాథ స్తోత్రం
శ్రీస్వామినాథం సురవృందవంద్యం భూలోకభక్తాన్ పరిపాలయంతం....
Click here to know more..గణప స్తవం
పాశాంకుశాభయవరాన్ దధానం కంజహస్తయా. పత్న్యాశ్లిష్టం రక్....
Click here to know more..దుర్గా సప్తశతీ - అర్గలా మరియు కీలక స్తోత్రాలు
అథాఽర్గలాస్తోత్రం అస్య శ్రీ-అర్గలాస్తోత్రమంత్రస్య. వి....
Click here to know more..
