విశ్వనాథ దశక స్తోత్రం
యస్మాత్పరం న కిల చాపరమస్తి కించిజ్-
జ్యాయాన్న కోఽపి హి తథైవ భవేత్కనీయాన్.
నిష్కంప ఏక ఇతి యోఽవ్యయసౌఖ్యసింధు-
స్తం విశ్వనాథమమలం మునివంద్యమీడే.
రజ్వాం యథా భ్రమవిభాసితసర్పభావః
యస్మింస్తథైవ బత విశ్వవిభేదభానం.
యోఽజ్ఞాననాశనవిధౌ ప్రథితస్తోఽరి-
స్తం విశ్వనాథమమలం మునివంద్యమీడే.
యావన్న భక్తిరఖిలేశ్వరపాదపద్మే
సంసారసౌఖ్యమిహ యత్కిల శుక్తిరౌప్యం.
యద్భక్తిరేవ భవరోగనుదా సుధైవ తం
విశ్వనాథమమలం మునివంద్యమీడే.
యః కామమత్తగజగండవిభేదసింహో
యో విఘ్నసర్పభవభీతీనుదో గురుత్మాన్.
యో దుర్విషహ్యభవతాపజదుఃఖచంద్ర-
స్తం విశ్వనాథమమలం మునివంద్యమీడే.
వైరాగ్యభక్తినవపల్లవకృద్వసంతో
యోభోగవాసనావనప్రవిదాహదావః.
యోఽధర్మరావణవినాశనహేతురామ-
స్తం విశ్వనాథమమలం మునివంద్యమీడే.
స్వానన్యభక్తభవవారిధికుంభజో యో
యో భక్తచంచలమనోభ్రమరాబ్జకల్పః.
యో భక్తసంచితఘనప్రవిభేదవాత-
స్తం విశ్వనాథమమలం మునివంద్యమీడే.
సద్భక్తసధృదయపంజరగః శుకో య
ఓంకారనిఃస్వనవిలుబ్ధకరః పికో యః.
యో భక్తమందిరకదంబచరో మయూర-
స్తం విశ్వనాథమమలం మునివంద్యమీడే.
యో భక్తకల్పితదకల్పతరుః ప్రసిద్ధో
యో భక్తచిత్తగతకామధేనుతి చోక్తః.
యో భక్తచింతితదదివ్యమమణిప్రకల్ప-
స్తం విశ్వనాథమమలం మునివంద్యమీడే.
హేమైవ యద్వదిహ భూషణనామ ధత్తే
బ్రహ్మైవ తద్వదిహ శంకరనామ ధత్తే.
యోభక్తభావతనుధృక్ చిదఖండరూప-
స్తం విశ్వనాథమమలం మునివంద్యమీడే.
యన్నేతి నేతి వచనైర్నిగమా వదంతి
యజ్జీవవిశ్వభవశోకభయాతిదూరం.
సచ్చిత్సుఖాద్వయమిదం మమ శుద్ధరూపం
తం విశ్వనాథమమలం మునివంద్యమీడే.
Recommended for you
రామ రక్షా కవచం
అథ శ్రీరామకవచం. అస్య శ్రీరామరక్షాకవచస్య. బుధకౌశికర్షిః....
Click here to know more..మణికంఠ అష్టక స్తోత్రం
జయజయ మణికంఠ వేత్రదండ జయ కరుణాకర పూర్ణచంద్రతుండ. జయజయ జగ....
Click here to know more..కాలసర్ప దోషాన్ని పోగొట్టే మంత్రం
సర్పరాజాయ విద్మహే నాగరాజాయ ధీమహి తన్నోఽనంతః ప్రచోదయాత....
Click here to know more..
