అమరనాథ శివ స్తోత్రం
భాగీరథీసలిలసాంద్రజటాకలాపం
శీతాంశుకాంతిరమణీయవిశాలభాలం.
కర్పూరదుగ్ధహిమహంసనిభం స్వతోజం
నిత్యం భజామ్యఽమరనాథమహం దయాలుం.
గౌరీపతిం పశుపతిం వరదం త్రినేత్రం
భూతాధిపం సకలలోకపతిం సురేశం.
శార్దూలచర్మచితిభస్మవిభూషితాంగం
నిత్యం భజామ్యఽమరనాథమహం దయాలుం.
గంధర్వయక్షరసురకిన్నరసిద్ధసంఘైః
సంస్తూయమానమనిశం శ్రుతిపూతమంత్రైః.
సర్వత్రసర్వహృదయైకనివాసినం తం
నిత్యం భజామ్యఽమరనాథమహం దయాలుం.
వ్యోమానిలానలజలావనిసోమసూర్య-
హోత్రీభిరష్టతనుభిర్జగదేకనాథః.
యస్తిష్ఠతీహ జనమంగలధారణాయ
తం ప్రార్థయామ్యఽమరనాథమహం దయాలుం.
శైలేంద్రతుంగశిఖరే గిరిజాసమేతం
ప్రాలేయదుర్గమగుహాసు సదా వసంతం.
శ్రీమద్గజాననవిరాజిత దక్షిణాంకం
నిత్యం భజామ్యఽమరనాథమహం దయాలుం.
వాగ్బుద్ధిచిత్తకరణైశ్చ తపోభిరుగ్రైః
శక్యం సమాకలయితుం న యదీయరూపం.
తం భక్తిభావసులభం శరణం నతానాం
నిత్ంయ భజామ్యఽమరనాథమహం దయాలుం.
ఆద్యంతహీనమఖిలాధిపతిం గిరీశం
భక్తప్రియం హితకరం ప్రభుమద్వయైకం.
సృష్టిస్థితిప్రలయలీలమనంతశక్తిం
నిత్యం భజామ్యఽమరనాథమహం దయాలుం.
హే పార్వతీశ వృషభధ్వజ శూలపాణే
హే నీలకంఠ మదనాంతక శుభ్రమూర్తే .
హే భక్తకల్పతరురూప సుఖైకసింధో
మాం పాహి పాహి భవతోఽమరనాథ నిత్యం.
Recommended for you
కామాక్షీ సుప్రభాత స్తోత్రం
జగదవనవిధౌ త్వం జాగరూకా భవాని తవ తు జనని నిద్రామాత్మవత్....
Click here to know more..అష్టలక్ష్మీ స్తోత్రం
సుమనసవందితసుందరి మాధవి చంద్రసహోదరి హేమమయే మునిగణమండి....
Click here to know more..మాయదారి పిల్లి
Click here to know more..
