మార్గబంధు స్తోత్రం
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
భాలావనమ్రత్కిరీటం, భాలనేత్రార్చిషా దగ్ధపంచేషుకీటం|
శూలాహతారాతికూటం, శుద్ధమర్ధేందుచూడం భజే మార్గబంధుం.
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
అంగే విరాజద్భుజంగం, అభ్రగంగాతరంగాభిరామోత్తమాంగం.
ఓంకారవాటీకురంగం, సిద్ధసంసేవితాంఘ్రిం భజే మార్గబంధుం.
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
నిత్యం చిదానందరూపం, నిహ్నుతాశేషలోకేశవైరిప్రతాపం .
కార్తస్వరాంగేంద్రచాపం, కృత్తివాసం భజే దివ్యసన్మార్గబంధుం|
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
కందర్పదర్పఘ్నమీశం, కాలకంఠం మహేశం మహావ్యోమకేశం.
కుందాభదంతం సురేశం, కోటిసూర్యప్రకాశం భజే మార్గబంధుం.
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
మందారభూతేరుదారం, మందరాగేంద్రసారం మహాగౌర్యదూరం.
సిందూరదూరప్రచారం, సింధురాజాతిధీరం భజే మార్గబంధుం.
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
అప్పయ్యయజ్వేంద్రగీతం, స్తోత్రరాజం పఠేద్యస్తు భక్త్యా ప్రయాణే.
తస్యార్థసిద్ధిం విధత్తే మార్గమధ్యేఽభయం చాఽశుతోషో మహేశః.
శంభో మహాదేవ దేవ| శివ శంభో మహాదేవ దేవేశ శంభో| శంభో మహాదేవ దేవ|
Recommended for you
నరసింహ ద్వాదశ నామ స్తోత్రం
అస్య శ్రీనృసింహ ద్వాదశనామ స్తోత్రమహామంత్రస్య వేదవ్యా....
Click here to know more..అయోధ్యా మంగల స్తోత్రం
యస్యాం హి వ్యాప్యతే రామకథాకీర్త్తనజోధ్వనిః. తస్యై శ్రీ....
Click here to know more..శ్రేయస్సును శక్తివంతం చేయడానికి దత్తాత్రేయ మంత్రం
ఓం శ్రీం హ్రీం క్రోం గ్లౌం ద్రాం....
Click here to know more..
