రసేశ్వర స్తుతి
భానుసమానసుభాస్వరలింగం సజ్జనమానసభాస్కరలింగం|
సురవరదాతృసురేశ్వరలింగం తత్ ప్రణమామి రసేశ్వరలింగం|
ఛత్రపతీంద్రసుపూజితలింగం రౌప్యఫణీంద్రవిభూషితలింగం|
గ్రామ్యజనాశ్రితపోషకలింగం తత్ ప్రణమామి రసేశ్వరలింగం|
బిల్వతరుచ్ఛదనప్రియలింగం కిల్బిషదుష్ఫలదాహకలింగం|
సేవితకష్టవినాశనలింగం తత్ ప్రణమామి రసేశ్వరలింగం|
అబ్జభగాగ్నిసులోచనలింగం శబ్దసముద్భవహేతుకలింగం|
పార్వతిజాహ్నవిసంయుతలింగం తత్ ప్రణమామి రసేశ్వరలింగం|
గంధితచందనచర్చితలింగం వందితపాదసరోరుహలింగం|
స్కందగణేశ్వరభావితలింగం తత్ ప్రణమామి రసేశ్వరలింగం|
పామరమానవమోచకలింగం సకలచరాచరపాలకలింగం|
వాజిజచామరవీజితలింగం తత్ ప్రణమామి రసేశ్వరలింగం|
స్తోత్రమిదం ప్రణిపత్య రసేశం యః పఠతి ప్రతిఘస్రమజస్రం|
సో మనుజః శివభక్తిమవాప్య బ్రహ్మపదం లభతేఽప్యపవర్గం|
Recommended for you
ఆంజనేయ మంగల అష్టక స్తోత్రం
కపిశ్రేష్ఠాయ శూరాయ సుగ్రీవప్రియమంత్రిణే. జానకీశోకనాశ....
Click here to know more..రామదూత స్తుతి
నమామి దూతం రామస్య సుఖదం చ సురద్రుమం . పీనవృత్తమహాబాహుం స....
Click here to know more..చదువులో అడ్డంకులను తొలగించే మంత్రం
ఓం హ్రీం గ్లౌం సరస్వత్యై నమః హ్రీం ఓం....
Click here to know more..
