గిరీశ స్తుతి
శివశర్వమపార- కృపాజలధిం
శ్రుతిగమ్యముమాదయితం ముదితం.
సుఖదం చ ధరాధరమాదిభవం
భజ రే గిరిశం భజ రే గిరిశం.
జననాయకమేక- మభీష్టహృదం
జగదీశమజం మునిచిత్తచరం.
జగదేకసుమంగల- రూపశివం
భజ రే గిరిశం భజ రే గిరిశం.
జటినం గ్రహతారకవృందపతిం
దశబాహుయుతం సితనీలగలం.
నటరాజముదార- హృదంతరసం
భజ రే గిరిశం భజ రే గిరిశం.
విజయం వరదం చ గభీరరవం
సురసాధునిషేవిత- సర్వగతిం.
చ్యుతపాపఫలం కృతపుణ్యశతం
భజ రే గిరిశం భజ రే గిరిశం.
కృతయజ్ఞసు- ముఖ్యమతుల్యబలం
శ్రితమర్త్య- జనామృతదానపరం.
స్మరదాహక- మక్షరముగ్రమథో
భజ రే గిరిశం భజ రే గిరిశం.
భువి శంకరమర్థదమాత్మవిదం
వృషవాహనమాశ్రమ- వాసమురం.
ప్రభవం ప్రభుమక్షయకీర్తికరం
భజ రే గిరిశం భజ రే గిరిశం.
Recommended for you
పాండురంగ అష్టకం
మహాయోగపీఠే తటే భీమరథ్యా వరం పుండరీకాయ దాతుం మునీంద్రైః....
Click here to know more..సంతాన గోపాల స్తోత్రం
అథ సంతానగోపాలస్తోత్రం ఓం శ్రీం హ్రీం క్లీం గ్లౌం. దేవకీ....
Click here to know more..విశాఖ నక్షత్రం
విశాఖ నక్షత్రం - లక్షణాలు, ఆరోగ్య సమస్యలు, వృత్తి, అదృష్ట ....
Click here to know more..
