దేవరాజసేవ్యమాన- పావనాంఘ్రిపంకజం
వ్యాలయజ్ఞసూత్రమిందుశేఖరం కృపాకరం.
నారదాదియోగివృందవందితం దిగంబరం
కాశికాపురాధినాథ- కాలభైరవం భజే.
భానుకోటిభాస్వరం భవాబ్ధితారకం పరం
నీలకంఠమీప్సితార్థ- దాయకం త్రిలోచనం.
కాలకాలమంబుజాక్ష- మక్షశూలమక్షరం
కాశికాపురాధినాథ- కాలభైరవం భజే.
శూలటంకపాశదండ- పాణిమాదికారణం
శ్యామకాయమాదిదేవమక్షరం నిరామయం.
భీమవిక్రమం ప్రభుం విచిత్రతాండవప్రియం
కాశికాపురాధినాథ- కాలభైరవం భజే.
భుక్తిముక్తిదాయకం ప్రశస్తచారువిగ్రహం
భక్తవత్సలం స్థిరం సమస్తలోకవిగ్రహం.
నిక్క్వణన్మనోజ్ఞహేమ- కింకిణీలసత్కటిం
కాశికాపురాధినాథ- కాలభైరవం భజే.
ధర్మసేతుపాలకం త్వధర్మమార్గనాశకం
కర్మపాశమోచకం సుశర్మదాయకం విభుం.
స్వర్ణవర్ణకేశపాశ- శోభితాంగనిర్మలం
కాశికాపురాధినాథ- కాలభైరవం భజే.
రత్నపాదుకాప్రభాభిరామ- పాదయుగ్మకం
నిత్యమద్వితీయమిష్టదైవతం నిరంజనం.
మృత్యుదర్పనాశకం కరాలదంష్ట్రభూషణం
కాశికాపురాధినాథ- కాలభైరవం భజే.
అట్టహాసభిన్నపద్మ- జాణ్కోశసంతతిం
దృష్టిపాతనష్టపాప- జాలముగ్రశాసనం.
అష్టసిద్ధిదాయకం కపాలమాలికాధరం
కాశికాపురాధినాథ- కాలభైరవం భజే.
భూతసంఘనాయకం విశాలకీర్తిదాయకం
కాశివాసిలోకపుణ్య- పాపశోధకం విభుం.
నీతిమార్గకోవిదం పురాతనం జగత్పతిం
కాశికాపురాధినాథ- కాలభైరవం భజే.
కాలభైరవాష్టకం పఠంతి యే మనోహరం
జ్ఞానముక్తిసాధకం విచిత్రపుణ్యవర్ధనం.
శోకమోహలోభదైన్యకోప- తాపనాశనం
తే ప్రయాంతి కాలభైరవాంఘ్రిసన్నిధిం ధ్రువం.
బ్రహ్మవిద్యా పంచకం
నిత్యానిత్యవివేకతో హి నితరాం నిర్వేదమాపద్య సద్- విద్వా....
Click here to know more..లలితా అపరాధ క్షమాపణ స్తోత్రం
కంజమనోహరపాదచలన్మణినూపురహంసవిరాజితే కంజభవాదిసురౌఘపర....
Click here to know more..ఉద్యోగంలో స్థిరత్వం కోసం దుర్గా మంత్రం
ఓం ఐం క్రౌం నమః దుర్గాం దేవీం శరణమహం ప్రపద్యే....
Click here to know more..