ఆత్మేశ్వర పంచరత్న స్తోత్రం
షడాధారోర్ధ్వసన్నిష్ఠం షడుత్కర్షస్థలేశ్వరం .
షట్సభారమణం వందే షడధ్వారాధనక్షమం ..
శ్రీమత్శ్రీకుందమూలస్థలలసితమహాయోగపీఠే నిషణ్ణః
సర్వాధారో మహాత్మాఽప్యనుపమితమహాస్వాదికైలాసవాసీ .
యస్యాస్తే కామినీ యా నతజనవరదా యోగమాతా మహేశీ
సోఽవ్యాదాత్మేశ్వరో మాం శివపురరమణః సచ్చిదానందమూర్తిః ..
యో వేదాంతవిచింత్యరూపమహిమా యం యాతి సర్వం జగత్
యేనేదం భువనం భృతం విధిముఖాః కుర్వంతి యస్మై నమః .
యస్మాత్ సంప్రభవంతి భూతనికరాః యస్య స్మృతిర్మోక్షకృత్
యస్మిన్ యోగరతిఃశివేతి స మహానాత్మేశ్వరః పాతు నః ..
తుర్యాతీతపదోర్ధ్వగం గుణపరం సత్తామయం సర్వగం
సంవేద్యం శ్రుతిశీర్షకైరనుపమం సర్వాధికం శాశ్వతం .
ఓంకారాంతరబిందుమధ్యసదనం హ్రీంకారలభ్యం నుమో
వ్యోమాకారశిఖావిభావిమునిసందృశ్యం చిదాత్మేశ్వరం ..
వేదాంతార్థవిచక్షణైరతితరాం బ్రహ్మేతి యః కథ్యతేఽ-
ప్యన్యైర్యోగిజనైర్మహాపురుష ఇత్యష్టాంగిభిశ్చింతితః .
కైశ్చిల్లోకవిపత్తికృత్ త్రినయనఃశ్రీనీలకంఠః స్మృతః
తం వందే పరమాత్మనాథమనిశం కుందద్రుమాధః స్థితం ..
Recommended for you
హనుమాన్ భుజంగ స్తోత్రం
ప్రపన్నానురాగం ప్రభాకాంచనాంగం జగద్భీతిశౌర్యం తుషారాద....
Click here to know more..హరి పంచక స్తుతి
రవిసోమనేత్రమఘనాశనం విభుం మునిబుద్ధిగమ్య- మహనీయదేహినం. ....
Click here to know more..పాంచజన్యం
మీరు పాంచజన్యం గురించి తెలుసుకోవాలనుకున్న అన్నీ విషయా....
Click here to know more..
