రసేశ్వర పంచాక్షర స్తోత్రం
రమ్యాయ రాకాపతిశేఖరాయ
రాజీవనేత్రాయ రవిప్రభాయ.
రామేశవర్యాయ సుబుద్ధిదాయ
నమోఽస్తు రేఫాయ రసేశ్వరాయ.
సోమాయ గంగాతటసంగతాయ
శివాజిరాజేన వివందితాయ.
దీపాద్యలంకారకృతిప్రియాయ
నమః సకారాయ రసేశ్వరాయ.
జలేన దుగ్ధేన చ చందనేన
దధ్నా ఫలానాం సురసామృతైశ్చ.
సదాఽభిషిక్తాయ శివప్రదాయ
నమో వకారాయ రసేశ్వరాయ.
భక్తైస్తు భక్త్యా పరిసేవితాయ
భక్తస్య దుఃఖస్య విశోధకాయ.
భక్తాభిలాషాపరిదాయకాయ
నమోఽస్తు రేఫాయ రసేశ్వరాయ.
నాగేన కంఠే పరిభూషితాయ
రాగేన రోగాదివినాశకాయ.
యాగాదికార్యేషు వరప్రదాయ
నమో యకారాయ రసేశ్వరాయ.
పఠేదిదం స్తోత్రమహర్నిశం యో
రసేశ్వరం దేవవరం ప్రణమ్య.
స దీర్ఘమాయుర్లభతే మనుష్యో
ధర్మార్థకామాంల్లభతే చ మోక్షం.
Recommended for you
నవగ్రహ భుజంగ స్తోత్రం
దినేశం సురం దివ్యసప్తాశ్వవంతం సహస్రాంశుమర్కం తపంతం భగ....
Click here to know more..అష్టలక్ష్మీ స్తుతి
విష్ణోః పత్నీం కోమలాం కాం మనోజ్ఞాం పద్మాక్షీం తాం ముక్....
Click here to know more..భూమి సంబంధిత వ్యాపారంలో విజయం కోసం మంత్రం
క్షేత్రపాలాయ విద్మహే క్షేత్రస్థితాయ ధీమహి తన్నః క్షేత....
Click here to know more..
