ప్రవరం ప్రభుమవ్యయరూపమజం
హరికేశమపారకృపాజలధిం|
అభివాద్యమనామయమాద్యసురం
భజ రే బృహదీశ్వరమార్తిహరం|
రవిచంద్రకృశానుసులోచన-
మంబికయా సహితం జనసౌఖ్యకరం|
బహుచోలనృపాలనుతం విబుధం
భజ రే బృహదీశ్వరమార్తిహరం|
హిమపర్వతరాజసుతాదయితం
హిమరశ్మివిభూషితమౌలివరం|
హతపాపసమూహమనేకతనుం
భజ రే బృహదీశ్వరమార్తిహరం|
హరికేశమమోఘకరం సదయం
పరిరంజితభక్తహృదంబురుహం|
సురదైత్యనతం మునిరాజనుతం
భజ రే బృహదీశ్వరమార్తిహరం|
త్రిపురాంతకరూపిణముగ్రతనుం
మహనీయమనోగతదివ్యతమం|
జగదీశ్వరమాగమసారభవం
భజ రే బృహదీశ్వరమార్తిహరం|
కృష్ణ చౌరాష్టకం
వ్రజే ప్రసిద్ధం నవనీతచౌరం గోపాంగనానాం చ దుకూలచౌరం .....
Click here to know more..కృష్ణ ద్వాదశ నామ స్తోత్రం
కిం తే నామసహస్రేణ విజ్ఞాతేన తవాఽర్జున. తాని నామాని విజ్....
Click here to know more..వేటగాడు