వ్యోమకేశం కాలకాలం వ్యాలమాలం పరాత్పరం|
దేవదేవం ప్రపన్నోఽస్మి కథం మే జాయతే భయం|
శూలహస్తం కృపాపూర్ణం వ్యాఘ్రచర్మాంబరం శివం|
వృషారూఢం ప్రపన్నోఽస్మి కథం మే జాయతే భయం|
అష్టమూర్తిం మహాదేవం విశ్వనాథం జటాధరం|
పార్వతీశం ప్రపన్నోఽస్మి కథం మే జాయతే భయం|
సురాసురైశ్చ యక్షశ్చ సిద్ధైశ్చాఽపి వివందితం|
మృత్యుంజయం ప్రపన్నోఽస్మి కథం మే జాయతే భయం|
నందీశమక్షరం దేవం శరణాగతవత్సలం|
చంద్రమౌలిం ప్రపన్నోఽస్మి కథం మే జాయతే భయం|
లోహితాక్షం భవాంబోధితారకం సూర్యతేజసం|
శితికంఠం ప్రపన్నోఽస్మి కథం మే జాయతే భయం|
శంకరం లోకపాలం చ సుందరం భస్మధారిణం|
వామదేవం ప్రపన్నోఽస్మి కథం మే జాయతే భయం|
త్రినేత్రం త్రిపురధ్వాంతధ్వంసినం విశ్వరూపిణం|
విరూపాక్షం ప్రపన్నోఽస్మి కథం మే జాయతే భయం|
కైలాసశైలనిలయం తపఃసక్తం పినాకినం|
కంఠేకాలం ప్రపన్నోఽస్మి కథం మే జాయతే భయం|
ప్రీతాత్మానం మహైశ్వర్యదానం నిర్వాణరూపిణం|
గంగాధరం ప్రపన్నోఽస్మి కథం మే జాయతే భయం|
య ఇదం స్తోత్రరత్నాఖ్యం శివస్య భయహారకం|
పఠేదనుదినం ధీమాన్ తస్య నాస్తి భయం భువి|
మృత్యుహరణ నారాయణ స్తోత్రం
నారాయణం సహస్రాక్షం పద్మనాభం పురాతనం. హృషీకేశం ప్రపన్నో....
Click here to know more..శివ పంచాక్షర స్తోత్రం
నాగేంద్రహారాయ త్రిలోచనాయ భస్మాంగరాగాయ మహేశ్వరాయ. నిత్....
Click here to know more..శివుని ఉగ్రత నుండి ఉపశమనం కోసం మంత్రం
ఓం నమో భగవతే రుద్రాయ....
Click here to know more..