యా పూర్వవాహిన్యపి మగ్ననౄణామపూర్వవాహిన్యఘనాశనేఽత్ర.
భ్రూమాపహాఽస్మాకమపి భ్రమాడ్యా సా తామ్రపర్ణీ దురితం ధునోతు.
మాధుర్యనైర్మల్యగుణానుషంగాత్ నైజేన తోయేన సమం విధత్తే.
వాణీం ధియం యా శ్రితమానవానాం సా తామ్రపర్ణీ దురితం ధునోతు.
యా సప్తజన్మార్జితపాప- సంఘనిబర్హణాయైవ నృణాం ను సప్త.
క్రోశాన్ వహంతీ సమగాత్పయోధిం సా తామ్రపర్ణీ దురితం ధునోతు.
కుల్యానకుల్యానపి యా మనుష్యాన్ కుల్యా స్వరూపేణ బిభర్తి పాపం.
నివార్య చైషామపవర్గ దాత్రీ సా తామ్రపర్ణీ దురితం ధునోతు.
శ్రీ పాపనాశేశ్వర లోకనేత్ర్యౌ యస్యాః పయోలుబ్ధధియౌ సదాపి.
యత్తీరవాసం కురుతః ప్రమోదాత్ సా తామ్రపర్ణీ దురితం ధునోతు.
నాహం మృషా వచ్మి యదీయతీరవాసేన లోకాస్సకలాశ్చ భక్తిం.
వహంతి గుర్వాంఘ్రియుగే చ దేవే సా తామ్రపర్ణీ దురితం ధునోతు.
జలస్య యోగాజ్జడతాం ధునానా మలం మనస్థం సకలం హరంతీ.
ఫలం దిశంతీ భజతాం తురీయం సా తామ్రపర్ణీ దురితం ధునోతు.
న జహ్రుపీతా న జటోపరుద్ధా మహీధ్రపుత్ర్యాపి ముదా నిషేవ్యా.
స్వయం జనోద్ధారకృతే ప్రవృత్తా సా తామ్రపర్ణీ దురితం ధునోతు.
గణాధ్యక్ష స్తోత్రం
ఆదిపూజ్యం గణాధ్యక్షముమాపుత్రం వినాయకం. మంగలం పరమం రూపం....
Click here to know more..లక్ష్మీ విభక్తి వైభవ స్తోత్రం
సురేజ్యా విశాలా సుభద్రా మనోజ్ఞా రమా శ్రీపదా మంత్రరూపా ....
Click here to know more..ద్వారకా
మీరు ద్వారక గురించి తెలుసుకోవాలనుకున్న అన్నీ విషయాలు....
Click here to know more..