ದೇವರಾಜಸೇವ್ಯಮಾನ- ಪಾವನಾಂಘ್ರಿಪಂಕಜಂ
ವ್ಯಾಲಯಜ್ಞಸೂತ್ರಮಿಂದುಶೇಖರಂ ಕೃಪಾಕರಂ.
ನಾರದಾದಿಯೋಗಿವೃಂದವಂದಿತಂ ದಿಗಂಬರಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಭಾನುಕೋಟಿಭಾಸ್ವರಂ ಭವಾಬ್ಧಿತಾರಕಂ ಪರಂ
ನೀಲಕಂಠಮೀಪ್ಸಿತಾರ್ಥ- ದಾಯಕಂ ತ್ರಿಲೋಚನಂ.
ಕಾಲಕಾಲಮಂಬುಜಾಕ್ಷ- ಮಕ್ಷಶೂಲಮಕ್ಷರಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಶೂಲಟಂಕಪಾಶದಂಡ- ಪಾಣಿಮಾದಿಕಾರಣಂ
ಶ್ಯಾಮಕಾಯಮಾದಿದೇವಮಕ್ಷರಂ ನಿರಾಮಯಂ.
ಭೀಮವಿಕ್ರಮಂ ಪ್ರಭುಂ ವಿಚಿತ್ರತಾಂಡವಪ್ರಿಯಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಭುಕ್ತಿಮುಕ್ತಿದಾಯಕಂ ಪ್ರಶಸ್ತಚಾರುವಿಗ್ರಹಂ
ಭಕ್ತವತ್ಸಲಂ ಸ್ಥಿರಂ ಸಮಸ್ತಲೋಕವಿಗ್ರಹಂ.
ನಿಕ್ಕ್ವಣನ್ಮನೋಜ್ಞಹೇಮ- ಕಿಂಕಿಣೀಲಸತ್ಕಟಿಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಧರ್ಮಸೇತುಪಾಲಕಂ ತ್ವಧರ್ಮಮಾರ್ಗನಾಶಕಂ
ಕರ್ಮಪಾಶಮೋಚಕಂ ಸುಶರ್ಮದಾಯಕಂ ವಿಭುಂ.
ಸ್ವರ್ಣವರ್ಣಕೇಶಪಾಶ- ಶೋಭಿತಾಂಗನಿರ್ಮಲಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ರತ್ನಪಾದುಕಾಪ್ರಭಾಭಿರಾಮ- ಪಾದಯುಗ್ಮಕಂ
ನಿತ್ಯಮದ್ವಿತೀಯಮಿಷ್ಟದೈವತಂ ನಿರಂಜನಂ.
ಮೃತ್ಯುದರ್ಪನಾಶಕಂ ಕರಾಲದಂಷ್ಟ್ರಭೂಷಣಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಅಟ್ಟಹಾಸಭಿನ್ನಪದ್ಮ- ಜಾಣ್ಕೋಶಸಂತತಿಂ
ದೃಷ್ಟಿಪಾತನಷ್ಟಪಾಪ- ಜಾಲಮುಗ್ರಶಾಸನಂ.
ಅಷ್ಟಸಿದ್ಧಿದಾಯಕಂ ಕಪಾಲಮಾಲಿಕಾಧರಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಭೂತಸಂಘನಾಯಕಂ ವಿಶಾಲಕೀರ್ತಿದಾಯಕಂ
ಕಾಶಿವಾಸಿಲೋಕಪುಣ್ಯ- ಪಾಪಶೋಧಕಂ ವಿಭುಂ.
ನೀತಿಮಾರ್ಗಕೋವಿದಂ ಪುರಾತನಂ ಜಗತ್ಪತಿಂ
ಕಾಶಿಕಾಪುರಾಧಿನಾಥ- ಕಾಲಭೈರವಂ ಭಜೇ.
ಕಾಲಭೈರವಾಷ್ಟಕಂ ಪಠಂತಿ ಯೇ ಮನೋಹರಂ
ಜ್ಞಾನಮುಕ್ತಿಸಾಧಕಂ ವಿಚಿತ್ರಪುಣ್ಯವರ್ಧನಂ.
ಶೋಕಮೋಹಲೋಭದೈನ್ಯಕೋಪ- ತಾಪನಾಶನಂ
ತೇ ಪ್ರಯಾಂತಿ ಕಾಲಭೈರವಾಂಘ್ರಿಸನ್ನಿಧಿಂ ಧ್ರುವಂ.
ಕಾಶೀ ವಿಶ್ವನಾಥ ಸುಪ್ರಭಾತ ಸ್ತೋತ್ರ
ಸ್ನಾನಾಯ ಗಾಂಗಸಲಿಲೇಽಥ ಸಮರ್ಚನಾಯ ವಿಶ್ವೇಶ್ವರಸ್ಯ ಬಹುಭಕ್ತಜನ....
Click here to know more..ಕೃಪಾಕರ ರಾಮ ಸ್ತೋತ್ರಂ
ಆಮಂತ್ರಣಂ ತೇ ನಿಗಮೋಕ್ತಮಂತ್ರೈಸ್ತಂತ್ರಪ್ರವೇಶಾಯ ಮನೋಹರಾಯ. ಶ್....
Click here to know more..ಪ್ರಸಿದ್ಧರಾಗಲು ಮಂತ್ರ
ಓಂ ಆದಿತ್ಯಾಯ ವಿದ್ಮಹೇ ಮಾರ್ತಾಂಡಾಯ ಧೀಮಹಿ . ತನ್ನೋ ಭಾನುಃ ಪ್ರಚ....
Click here to know more..