Kala Bhairava Ashtakam
देवराजसेव्यमानपावनाङ्घ्रिपङ्कजं
व्यालयज्ञसूत्रमिन्दुशेखरं कृपाकरम्।
नारदादियोगिवृन्दवन्दितं दिगम्बरं
काशिकापुराधिनाथकालभैरवं भजे। 1।
devaraaja-sevyamaana-paavanaanghri-pankajam'
vyaala-yajnyasootra-mindushekharam' kri'paakaram.
naaradaadi-yogivri'nda-vanditam' digambaram'
kaashikaa-puraadhinaatha-kaalabhairavam' bhaje.1.
I worship Kalabhairava, whose sacred feet are worshipped by Devendra.
He wears serpents as sacred threads and the crescent moon on his head.
He is compassion itself, revered by Narada and great yogis.
Clad in the sky as his garment, he rules Kashi as its supreme protector.
भानुकोटिभास्वरं भवाब्धितारकं परं
नीलकण्ठमीप्सितार्थदायकं त्रिलोचनम्।
कालकालमम्बुजाक्षमक्षशूलमक्षरं
काशिकापुराधिनाथकालभैरवं भजे। 2।
bhaanukot'i-bhaasvaram' bhavaabdhi-taarakam' param'
neelakant'ha-meepsitaartha-daayakam' trilochanam.
Kaalakaala-mambujaaksha- makshashoola-maksharam'
kaashikaa-puraadhinaatha-kaalabhairavam' bhaje.2.
I worship Kalabhairava, radiant like millions of suns.
He ferries beings across the ocean of worldly suffering.
Blue-throated, three-eyed, and the destroyer of death.
He is eternal, armed with axe and trident, and sees all.
शूलटङ्कपाशदण्डपाणिमादिकारणं
श्यामकायमादिदेवमक्षरं निरामयम्।
भीमविक्रमं प्रभुं विचित्रताण्डवप्रियं
काशिकापुराधिनाथकालभैरवं भजे। 3।
shoolat'anka-paashadand'a-paanimaadi-kaaranam'
shyaamakaaya-maadideva-maksharam' niraamayam.
Bheema-vikramam' prabhum' vichitra-taand'avapriyam'
kaashikaa-puraadhinaatha-kaalabhairavam' bhaje.3.
I worship Kalabhairava, who holds trident, axe, noose, and staff.
Dark-bodied, the original cause behind creation.
Fearsome in power, the supreme master, lover of wild and terrifying tandava.
भुक्तिमुक्तिदायकं प्रशस्तचारुविग्रहं
भक्तवत्सलं स्थिरं समस्तलोकविग्रहम्।
निक्क्वणन्मनोज्ञहेमकिङ्किणीलसत्कटिं
काशिकापुराधिनाथकालभैरवं भजे। 4।
bhuktimukti-daayakam' prashasta-chaaruvigraham'
bhaktavatsalam' sthiram' samastaloka-vigraham.
nikkvanan-manojnyahema-kinkinee-lasatkat'im'
kaashikaa-puraadhinaatha-kaalabhairavam' bhaje.4.
I worship Kalabhairava, who grants both enjoyment and moksha.
His form is beautiful yet awe-inspiring.
He loves his devotees fiercely and sustains all worlds.
Golden bells at his waist announce his arrival.
धर्मसेतुपालकं त्वधर्ममार्गनाशकं
कर्मपाशमोचकं सुशर्मदायकं विभुम्।
स्वर्णवर्णकेशपाशशोभिताङ्गनिर्मलं
काशिकापुराधिनाथकालभैरवं भजे। 5।
dharmasetu-paalakam' tvadharmamaarga-naashakam'
karmapaasha-mochakam' susharma-daayakam' vibhum.
svarnavarna-keshapaasha-shobhitaanga-nirmalam'
kaashikaa-puraadhinaatha-kaalabhairavam' bhaje.5.
I worship Kalabhairava, protector of the bridge of dharma.
Destroyer of unrighteous paths.
Liberator from karmic bondage. He is the provider of auspitiousness.
His pure body is adorned with golden locks of hair.
रत्नपादुकाप्रभाभिरामपादयुग्मकं
नित्यमद्वितीयमिष्टदैवतं निरञ्जनम्।
मृत्युदर्पनाशकं करालदंष्ट्रभूषणं
काशिकापुराधिनाथकालभैरवं भजे। 6।
ratnapaadukaa-prabhaabhiraama-paadayugmakam'
nityamadviteeya-misht'adaivatam' niranjanam.
mri'tyudarpa-naashakam' karaaladam'sht'ra-bhooshanam'
kaashikaa-puraadhinaatha-kaalabhairavam' bhaje.6.
I worship Kalabhairava, whose feet shine with jeweled sandals.
The eternal, peerless chosen deity.
He shatters the arrogance of death itself.
His terrifying fangs are his ornament.
अट्टहासभिन्नपद्मजाण्डकोशसन्ततिं
दृष्टिपातनष्टपापजालमुग्रशासनम्।
अष्टसिद्धिदायकं कपालमालिकाधरं
काशिकापुराधिनाथकालभैरवं भजे। 7।
at't'ahaasa-bhinnapadma-jaandakosha-santatim'
dri'sht'ipaata-nasht'apaapa-jaalamugra-shaasanam.
asht'asiddhi-daayakam' kapaala-maalikaadharam'
kaashikaa-puraadhinaatha-kaalabhairavam' bhaje.7.
I worship Kalabhairava, whose roaring laughter cracks the cosmic shell.
One glance from him burns away heaps of sins.
He commands with ferocity.
He grants the eight great siddhis and wears a garland of skulls.
भूतसङ्घनायकं विशालकीर्तिदायकं
काशिवासिलोकपुण्यपापशोधकं विभुम्।
नीतिमार्गकोविदं पुरातनं जगत्पतिं
काशिकापुराधिनाथकालभैरवं भजे। 8।
bhootasangha-naayakam' vishaala-keertidaayakam'
kaashivaasi-lokapunya-paapashodhakam' vibhum.
neetimaarga-kovidam' puraatanam' jagatpatim'
kaashikaa-puraadhinaatha-kaalabhairavam' bhaje. 8.
I worship Kalabhairava, leader of spirits and unseen forces.
Bestower of vast fame. He purifies both sin and merit of those who live in Kashi.
Knower of righteous conduct, ancient lord of the universe.
कालभैरवाष्टकं पठन्ति ये मनोहरं
ज्ञानमुक्तिसाधकं विचित्रपुण्यवर्धनम्।
शोकमोहलोभदैन्यकोपतापनाशनं
ते प्रयान्ति कालभैरवाङ्घ्रिसन्निधिं ध्रुवम्। 9।
kaala-bhairavaasht'akam' pat'hanti ye manoharam'
jnyaanamukti-saadhakam' vichitra-punyavardhanam.
shokamoha-lobhadainya-kopataapa-naashanam'
te prayaanti kaala-bhairavaanghri-sannidhim' dhruvam. 9.
Those who chant this Kalabhairava Ashtakam with devotion
Gain wisdom and liberation.
Their sorrow, delusion, greed, anger, and suffering are destroyed.
They surely attain the presence of Kalabhairava’s sacred feet.
Other stotras
