ಅಮರನಾಥ ಶಿವ ಸ್ತೋತ್ರ
ಭಾಗೀರಥೀಸಲಿಲಸಾಂದ್ರಜಟಾಕಲಾಪಂ
ಶೀತಾಂಶುಕಾಂತಿರಮಣೀಯವಿಶಾಲಭಾಲಂ.
ಕರ್ಪೂರದುಗ್ಧಹಿಮಹಂಸನಿಭಂ ಸ್ವತೋಜಂ
ನಿತ್ಯಂ ಭಜಾಮ್ಯಽಮರನಾಥಮಹಂ ದಯಾಲುಂ.
ಗೌರೀಪತಿಂ ಪಶುಪತಿಂ ವರದಂ ತ್ರಿನೇತ್ರಂ
ಭೂತಾಧಿಪಂ ಸಕಲಲೋಕಪತಿಂ ಸುರೇಶಂ.
ಶಾರ್ದೂಲಚರ್ಮಚಿತಿಭಸ್ಮವಿಭೂಷಿತಾಂಗಂ
ನಿತ್ಯಂ ಭಜಾಮ್ಯಽಮರನಾಥಮಹಂ ದಯಾಲುಂ.
ಗಂಧರ್ವಯಕ್ಷರಸುರಕಿನ್ನರಸಿದ್ಧಸಂಘೈಃ
ಸಂಸ್ತೂಯಮಾನಮನಿಶಂ ಶ್ರುತಿಪೂತಮಂತ್ರೈಃ.
ಸರ್ವತ್ರಸರ್ವಹೃದಯೈಕನಿವಾಸಿನಂ ತಂ
ನಿತ್ಯಂ ಭಜಾಮ್ಯಽಮರನಾಥಮಹಂ ದಯಾಲುಂ.
ವ್ಯೋಮಾನಿಲಾನಲಜಲಾವನಿಸೋಮಸೂರ್ಯ-
ಹೋತ್ರೀಭಿರಷ್ಟತನುಭಿರ್ಜಗದೇಕನಾಥಃ.
ಯಸ್ತಿಷ್ಠತೀಹ ಜನಮಂಗಲಧಾರಣಾಯ
ತಂ ಪ್ರಾರ್ಥಯಾಮ್ಯಽಮರನಾಥಮಹಂ ದಯಾಲುಂ.
ಶೈಲೇಂದ್ರತುಂಗಶಿಖರೇ ಗಿರಿಜಾಸಮೇತಂ
ಪ್ರಾಲೇಯದುರ್ಗಮಗುಹಾಸು ಸದಾ ವಸಂತಂ.
ಶ್ರೀಮದ್ಗಜಾನನವಿರಾಜಿತ ದಕ್ಷಿಣಾಂಕಂ
ನಿತ್ಯಂ ಭಜಾಮ್ಯಽಮರನಾಥಮಹಂ ದಯಾಲುಂ.
ವಾಗ್ಬುದ್ಧಿಚಿತ್ತಕರಣೈಶ್ಚ ತಪೋಭಿರುಗ್ರೈಃ
ಶಕ್ಯಂ ಸಮಾಕಲಯಿತುಂ ನ ಯದೀಯರೂಪಂ.
ತಂ ಭಕ್ತಿಭಾವಸುಲಭಂ ಶರಣಂ ನತಾನಾಂ
ನಿತ್ಂಯ ಭಜಾಮ್ಯಽಮರನಾಥಮಹಂ ದಯಾಲುಂ.
ಆದ್ಯಂತಹೀನಮಖಿಲಾಧಿಪತಿಂ ಗಿರೀಶಂ
ಭಕ್ತಪ್ರಿಯಂ ಹಿತಕರಂ ಪ್ರಭುಮದ್ವಯೈಕಂ.
ಸೃಷ್ಟಿಸ್ಥಿತಿಪ್ರಲಯಲೀಲಮನಂತಶಕ್ತಿಂ
ನಿತ್ಯಂ ಭಜಾಮ್ಯಽಮರನಾಥಮಹಂ ದಯಾಲುಂ.
ಹೇ ಪಾರ್ವತೀಶ ವೃಷಭಧ್ವಜ ಶೂಲಪಾಣೇ
ಹೇ ನೀಲಕಂಠ ಮದನಾಂತಕ ಶುಭ್ರಮೂರ್ತೇ .
ಹೇ ಭಕ್ತಕಲ್ಪತರುರೂಪ ಸುಖೈಕಸಿಂಧೋ
ಮಾಂ ಪಾಹಿ ಪಾಹಿ ಭವತೋಽಮರನಾಥ ನಿತ್ಯಂ.
Recommended for you
ಭಾಗ್ಯ ವಿಧಾಯಕ ರಾಮ ಸ್ತೋತ್ರ
ದೇವೋತ್ತಮೇಶ್ವರ ವರಾಭಯಚಾಪಹಸ್ತ ಕಲ್ಯಾಣರಾಮ ಕರುಣಾಮಯ ದಿವ್ಯಕೀ....
Click here to know more..ವೇಂಕಟೇಶ ಕರಾವಲಂಬ ಸ್ತೋತ್ರ
ಶ್ರೀಶೇಷಶೈಲಸುನಿಕೇತನ ದಿವ್ಯಮೂರ್ತೇ ನಾರಾಯಣಾಚ್ಯುತ ಹರೇ ನಲಿನ....
Click here to know more..ಷೇರು ಮಾರುಕಟ್ಟೆಯಲ್ಲಿ ಯಶಸ್ಸಿಗೆ ಮಹಾಲಕ್ಷ್ಮಿ ಮಂತ್ರ
ಓಂ ಶ್ರೀಂ ಹ್ರೀಂ ಶ್ರೀಂ ಕಮಲೇ ಕಮಲಾಲಯೇ ಪ್ರಸೀದ ಪ್ರಸೀದ . ಶ್ರೀಂ ಹ....
Click here to know more..
