ಪಾರ್ವತೀ ಪತಿ ಸ್ತುತಿ
ಪಾರ್ವತೀಪತಿಂ ಪ್ರಭುಂ ಪಿನಾಕಿನಂ
ಮೃತ್ಯುಮೃತ್ಯುಮೀಶ್ವರಂ ವೃಷಧ್ವಜಂ .
ವ್ಯೋಮಕೇಶಮೀಶಮುಗ್ರದೇಹಿನಂ
ನೀಲಲೋಹಿತಂ ಜಟಾಧರಂ ಭಜೇ .
ತ್ರ್ಯಂಬಕಂ ಕಪರ್ದಿನಂ ಮಹೇಶ್ವರಂ
ಶೂಲಿನಂ ಗಿರೀಶಮಬ್ಜಶೇಖರಂ .
ಭಾನುಕೋಟಿತುಲ್ಯಮಾದಿಶಂಕರಂ
ಸೋಮಸೂರ್ಯವಹ್ನಿಲೋಚನಂ ಭಜೇ .
ಧೂರ್ಜಟಿಂ ಗುಹಾಶಯಾಂಬರಂ ವರಂ
ಸರ್ವಮಂಗಲೇಶ್ವರಂ ಜಗತ್ಪತಿಂ .
ಸ್ಥಾಣುಮಂಧಕಾಂತಕಂ ಕಪಾಲಿನಂ
ಕೃತ್ತಿವಾಸಸಂ ಹರಂ ಭವಂ ಭಜೇ .
ಚಕ್ರಪಾಣಿಶಕ್ರಧಾತೃವಂದಿತಂ
ದಂದಶೂಕಭೂಷಣಂ ಕೃಪಾಕರಂ .
ನಂದಿವರ್ದ್ಧನಂ ಜಗದ್ವಿನಾಶಕಂ
ಪಾಂಶುಚಂದನಂ ಮಹಾನಟಂ ಭಜೇ .
ವಾಮದೇವಮಂಬಿಕಾಮನಃಪ್ರಿಯಂ
ಕಾಮಲೋಭಮೋಹನಾಶಕಂ ಸುರಂ .
ಸ್ವರ್ಗಮೋಕ್ಷದಾಯಕಂ ಸದಾನಘಂ
ದಕ್ಷಯಜ್ಞಹಾರಕಂ ಶಿವಂ ಭಜೇ .
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
