ನೃತ್ಯ ವಿಜಯ ನಟರಾಜ ಸ್ತೋತ್ರ

ನಮೋಽಸ್ತು ನಟರಾಜಾಯ ಸರ್ವಸಿದ್ಧಿಪ್ರದಾಯಿನೇ . 
ಸದಾಶಿವಾಯ ಶಾಂತಾಯ ನೃತ್ಯಶಾಸ್ತ್ರೈಕಸಾಕ್ಷಿಣೇ ..

ಭೋ ನಟೇಶ ಸುರಶ್ರೇಷ್ಠ ಮಾಂ ಪಶ್ಯ ಕೃಪಯಾ ಹರ . 
ಕೌಶಲಂ ಮೇ ಪ್ರದೇಹ್ಯಾಽಽಶು ನೃತ್ಯೇ ನಿತ್ಯಂ ಜಟಾಧರ ..

ಸರ್ವಾಂಗಸುಂದರಂ ದೇಹಿ ಭಾವನಾಂ ಶುದ್ಧಿಮುತ್ತಮಾಂ . 
ನೃತ್ಯೇಽಹಂ ವಿಜಯೀ ಜಾಯೇ ತ್ವದನುಗ್ರಹಲಾಭತಃ ..

ಶಿವಾಯ ತೇ ನಮೋ ನಿತ್ಯಂ ನಟರಾಜ ವಿಭೋ ಪ್ರಭೋ . 
ದ್ರುತಂ ಸಿದ್ಧಿಂ ಪ್ರದೇಹಿ ತ್ವಂ ನೃತ್ಯೇ ನಾಟ್ಯೇ ಮಹೇಶ್ವರ ..

ನಮಸ್ಕರೋಮಿ ಶ್ರೀಕಂಠ ತವ ಪಾದಾರವಿಂದಯೋಃ . 
ನೃತ್ಯಸಿದ್ಧಿಂ ಕುರು ಸ್ವಾಮಿನ್ ನಟರಾಜ ನಮೋಽಸ್ತು ತೇ ..

ಸುಸ್ತೋತ್ರಂ ನಟರಾಜಸ್ಯ ಪ್ರತ್ಯಹಂ ಯಃ ಪಠೇತ್ ಸುಧೀಃ . 
ನೃತ್ಯೇ ವಿಜಯಮಾಪ್ನೋತಿ ಲೋಕಪ್ರೀತಿಂ ಚ ವಿಂದತಿ ..

Ramaswamy Sastry and Vighnesh Ghanapaathi

Other stotras