ತಂಜಪುರೀಶ ಶಿವ ಸ್ತುತಿ
ಅಸ್ತು ತೇ ನತಿರಿಯಂ ಶಶಿಮೌಲೇ ನಿಸ್ತುಲಂ ಹೃದಿ ವಿಭಾತು ಮದೀಯೇ.
ಸ್ಕಂದಶೈಲತನಯಾಸಖಮೀಶಾನಂದವಲ್ಲ್ಯಧಿಪತೇ ತವ ರೂಪಂ.
ಸ್ಥಾಸ್ನುಜಂಗಮಗಣೇಪು ಭವಾಂತರ್ಯಾಮಿಭಾವಮವಲಂಬ್ಯ ಸಮಸ್ತಂ.
ನಿರ್ವಹನ್ ವಿಹರಸೇ ತವ ಕೋ ವಾ ವೈಭವ ಪ್ರಭವತು ಪ್ರತಿಪತ್ತುಂ.
ವಿಶ್ರುತಾ ಭುವನನಿರ್ಮಿತಿಪೋಷಪ್ಲೋಷಣಪ್ರತಿಭುವಸ್ತ್ವಯಿ ತಿಸ್ರಃ.
ಮೂರ್ತಯಃ ಸ್ಮರಹರಾವಿರಭೂವನ್ ನಿಸ್ಸಮಂ ತ್ವಮಸಿ ಧಾಮ ತುರೀಯಂ.
ಸುಂದರೇಣ ಶಶಿಕಂದಲಮೌಲೇ ತಾವಕೇನ ಪದತಾಮರಸೇನ.
ಕೃತ್ರಿಮೇತರಗಿರಃ ಕುತುಕಿನ್ಯಃ ಕುರ್ವತೇ ಸುರಭಿಲಂ ಕುರಲಂ ಸ್ವಂ.
ಈಶತಾಮವಿದಿತಾವಧಿಗಂಧಾಂ ಪ್ರವ್ಯನಕ್ತಿ ಪರಮೇಶ ಪದಂ ತೇ.
ಸಾಶಯಶ್ಚ ನಿಗಮೋ ವಿವೃಣೀತೇ ಕಃ ಪರಂ ಭಜತು ನಾಥ ವಿನಾ ತ್ವಾಂ.
ಸಾ ಮತಿಸ್ತವ ಪದಂ ಮನುತೇ ಯಾ ತದ್ವಚೋ ವದತಿ ಯದ್ವಿಭವಂ ತೇ.
ಸಾ ತನುಸ್ಸೃಜತಿ ಯಾ ತವ ಪೂಜಾಂ ತ್ವತ್ಪರಃ ಕಿಲ ನರಃ ಕಿಮು ಜಲ್ಪೈಃ.
ಕಾಲಕೂಟಕವಲೀಕೃತಿಕಾಲೋದ್ದಾಮದರ್ಪದಲನಾದಿಭಿರನ್ಯಃ.
ಕರ್ಮಭಿಶ್ಶಿವ ಭವಾನಿವ ವಿಶ್ವಂ ಶಶ್ವದೇತದವಿತಾ ಭವಿತಾ ಕಃ.
ರುಕ್ಮಿಣೀಪತಿಮೃಕಂಡುಸುತಾದಿಷ್ವಿಂದುಚೂಡ ಭವತಃ ಪ್ರಸೃತಾ ಯಾ.
ಸಾ ದಯಾಝರಸುಧಾರಸಧಾರಾವರ್ಮಿತಾ ಮಯಿ ದೃಗಸ್ತು ನಮಸ್ತೇ.
Recommended for you
ಋಣ ವಿಮೋಚನ ನರಸಿಂಹ ಸ್ತೋತ್ರ
ಶ್ರೀನೃಸಿಂಹಮಹಾವೀರಂ ನಮಾಮಿ ಋಣಮುಕ್ತಯೇ| ಕೋಟಿಸೂರ್ಯಪ್ರತೀಕಾಶ....
Click here to know more..ವೀರಭದ್ರ ಭುಜಂಗ ಸ್ತೋತ್ರ
ಗುಣಾದೋಷಭದ್ರಂ ಸದಾ ವೀರಭದ್ರಂ ಮುದಾ ಭದ್ರಕಾಲ್ಯಾ ಸಮಾಶ್ಲಿಷ್ಟಮ....
Click here to know more..ಅಥರ್ವ ವೇದದಿಂದ ರುದ್ರಸೂಕ್ತಂ
ಭವಾಶರ್ವೌ ಮೃಡತಂ ಮಾಭಿ ಯಾತಂ ಭೂತಪತೀ ಪಶುಪತೀ ನಮೋ ವಾಂ . ಪ್ರತಿಹಿ....
Click here to know more..
