ಸರ್ವಾರ್ತಿ ನಾಶನ ಶಿವ ಸ್ತೋತ್ರ
ಮೃತ್ಯುಂಜಯಾಯ ಗಿರಿಶಾಯ ಸುಶಂಕರಾಯ
ಸರ್ವೇಶ್ವರಾಯ ಶಶಿಶೇಖರಮಂಡಿತಾಯ.
ಮಾಹೇಶ್ವರಾಯ ಮಹಿತಾಯ ಮಹಾನಟಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಜ್ಞಾನೇಶ್ವರಾಯ ಫಣಿರಾಜವಿಭೂಷಣಾಯ
ಶರ್ವಾಯ ಗರ್ವದಹನಾಯ ಗಿರಾಂ ವರಾಯ.
ವೃಕ್ಷಾಧಿಪಾಯ ಸಮಪಾಪವಿನಾಶನಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಶ್ರೀವಿಶ್ವರೂಪಮಹನೀಯ- ಜಟಾಧರಾಯ
ವಿಶ್ವಾಯ ವಿಶ್ವದಹನಾಯ ವಿದೇಹಿಕಾಯ.
ನೇತ್ರೇ ವಿರೂಪನಯನಾಯ ಭವಾಮೃತಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ನಂದೀಶ್ವರಾಯ ಗುರವೇ ಪ್ರಮಥಾಧಿಪಾಯ
ವಿಜ್ಞಾನದಾಯ ವಿಭವೇ ಪ್ರಮಥಾಧಿಪಾಯ.
ಶ್ರೇಯಸ್ಕರಾಯ ಮಹತೇ ತ್ರಿಪುರಾಂತಕಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಭೀಮಾಯ ಲೋಕನಿಯತಾಯ ಸದಾಽನಘಾಯ
ಮುಖ್ಯಾಯ ಸರ್ವಸುಖದಾಯ ಸುಖೇಚರಾಯ.
ಅಂತರ್ಹಿತಾತ್ಮ- ನಿಜರೂಪಭವಾಯ ತಸ್ಮೈ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಸಾಧ್ಯಾಯ ಸರ್ವಫಲದಾಯ ಸುರಾರ್ಚಿತಾಯ
ಧನ್ಯಾಯ ದೀನಜನವೃಂದ- ದಯಾಕರಾಯ.
ಘೋರಾಯ ಘೋರತಪಸೇ ಚ ದಿಗಂಬರಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ವ್ಯೋಮಸ್ಥಿತಾಯ ಜಗತಾಮಮಿತಪ್ರಭಾಯ
ತಿಗ್ಮಾಂಶುಚಂದ್ರಶುಚಿ- ರೂಪಕಲೋಚನಾಯ.
ಕಾಲಾಗ್ನಿರುದ್ರ- ಬಹುರೂಪಧರಾಯ ತಸ್ಮೈ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಉಗ್ರಾಯ ಶಂಕರವರಾಯ ಗತಾಽಗತಾಯ
ನಿತ್ಯಾಯ ದೇವಪರಮಾಯ ವಸುಪ್ರದಾಯ.
ಸಂಸಾರಮುಖ್ಯಭವ- ಬಂಧನಮೋಚನಾಯ
ಸರ್ವಾತಿನಾಶನಪರಾಯ ನಮಃ ಶಿವಾಯ.
ಸರ್ವಾರ್ತಿನಾಶನಪರಂ ಸತತಂ ಜಪೇಯುಃ
ಸ್ತೋತ್ರಂ ಶಿವಸ್ಯ ಪರಮಂ ಫಲದಂ ಪ್ರಶಸ್ತಂ.
ತೇ ನಾಽಪ್ನುವಂತಿ ಚ ಕದಾಽಪಿ ರುಜಂ ಚ ಘೋರಂ
ನೀರೋಗತಾಮಪಿ ಲಭೇಯುರರಂ ಮನುಷ್ಯಾಃ.
Recommended for you
ವರದ ವಿಷ್ಣು ಸ್ತೋತ್ರ
ಜಗತ್ಸೃಷ್ಟಿಹೇತೋ ದ್ವಿಷದ್ಧೂಮಕೇತೋ ರಮಾಕಾಂತ ಸದ್ಭಕ್ತವಂದ್ಯ ಪ....
Click here to know more..ಪಾರ್ವತಿ ದೇವಿ ಆರತ್ತಿ
ಜಯ ಪಾರ್ವತೀ ಮಾತಾ ಜಯ ಪಾರ್ವತೀ ಮಾತಾ. ಬ್ರಹ್ಮಾ ಸನಾತನ ದೇವೀ ಶುಭಫ....
Click here to know more..ಯಶಸ್ಸಿಗೆ ಶ್ರೀ ಕೃಷ್ಣ ಮಂತ್ರ
ದಾಮೋದರಾಯ ವಿದ್ಮಹೇ ವಾಸುದೇವಾಯ ಧೀಮಹಿ ತನ್ನಃ ಕೃಷ್ಣಃ ಪ್ರಚೋದಯಾ....
Click here to know more..
