ಗಿರೀಶ ಸ್ತುತಿ
ಶಿವಶರ್ವಮಪಾರ- ಕೃಪಾಜಲಧಿಂ
ಶ್ರುತಿಗಮ್ಯಮುಮಾದಯಿತಂ ಮುದಿತಂ.
ಸುಖದಂ ಚ ಧರಾಧರಮಾದಿಭವಂ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
ಜನನಾಯಕಮೇಕ- ಮಭೀಷ್ಟಹೃದಂ
ಜಗದೀಶಮಜಂ ಮುನಿಚಿತ್ತಚರಂ.
ಜಗದೇಕಸುಮಂಗಲ- ರೂಪಶಿವಂ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
ಜಟಿನಂ ಗ್ರಹತಾರಕವೃಂದಪತಿಂ
ದಶಬಾಹುಯುತಂ ಸಿತನೀಲಗಲಂ.
ನಟರಾಜಮುದಾರ- ಹೃದಂತರಸಂ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
ವಿಜಯಂ ವರದಂ ಚ ಗಭೀರರವಂ
ಸುರಸಾಧುನಿಷೇವಿತ- ಸರ್ವಗತಿಂ.
ಚ್ಯುತಪಾಪಫಲಂ ಕೃತಪುಣ್ಯಶತಂ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
ಕೃತಯಜ್ಞಸು- ಮುಖ್ಯಮತುಲ್ಯಬಲಂ
ಶ್ರಿತಮರ್ತ್ಯ- ಜನಾಮೃತದಾನಪರಂ.
ಸ್ಮರದಾಹಕ- ಮಕ್ಷರಮುಗ್ರಮಥೋ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
ಭುವಿ ಶಂಕರಮರ್ಥದಮಾತ್ಮವಿದಂ
ವೃಷವಾಹನಮಾಶ್ರಮ- ವಾಸಮುರಂ.
ಪ್ರಭವಂ ಪ್ರಭುಮಕ್ಷಯಕೀರ್ತಿಕರಂ
ಭಜ ರೇ ಗಿರಿಶಂ ಭಜ ರೇ ಗಿರಿಶಂ.
Recommended for you
ಗಣೇಶ ಸ್ತವಂ
ವಂದೇ ವಂದಾರುಮಂದಾರಮಿಂದುಭೂಷಣನಂದನಂ. ಅಮಂದಾನಂದಸಂದೋಹಬಂಧುರಂ ....
Click here to know more..ದೇವೀ ಅಪರಾಧ ಕ್ಷಮಾಪಣ ಸ್ತೋತ್ರ
ನ ಮಂತ್ರಂ ನೋ ಯಂತ್ರಂ ತದಪಿ ಚ ನ ಜಾನೇ ಸ್ತುತಿಮಹೋ ನ ಚಾಹ್ವಾನಂ ಧ್ಯ....
Click here to know more..ಜನರೊಂದಿಗೆ ಯಶಸ್ಸಿಗೆ ಮಂತ್ರ
ಗೋಪಾಲಾಕಾಯ ವಿದ್ಮಹೇ ಗೋಪೀಪ್ರಿಯಾಯ ಧೀಮಹಿ ತನ್ನೋ ಗೋಪಾಲಕೃಷ್ಣಃ ....
Click here to know more..
