ಮಹಾಂತಂ ವರೇಣ್ಯಂ ಜಗನ್ಮಂಗಲಂ ತಂ
ಸುಧಾರಮ್ಯಗಾತ್ರಂ ಹರಂ ನೀಲಕಂಠಂ.
ಸದಾ ಗೀತಸರ್ವೇಶ್ವರಂ ಚಾರುನೇತ್ರಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ಭುಜಂಗಂ ದಧಾನಂ ಗಲೇ ಪಂಚವಕ್ತ್ರಂ
ಜಟಾಸ್ವರ್ನದೀ- ಯುಕ್ತಮಾಪತ್ಸು ನಾಥಂ.
ಅಬಂಧೋಃ ಸುಬಂಧುಂ ಕೃಪಾಕ್ಲಿನ್ನದೃಷ್ಟಿಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ವಿಭುಂ ಸರ್ವವಿಖ್ಯಾತ- ಮಾಚಾರವಂತಂ
ಪ್ರಭುಂ ಕಾಮಭಸ್ಮೀಕರಂ ವಿಶ್ವರೂಪಂ.
ಪವಿತ್ರಂ ಸ್ವಯಂಭೂತ- ಮಾದಿತ್ಯತುಲ್ಯಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ಸ್ವಯಂ ಶ್ರೇಷ್ಠಮವ್ಯಕ್ತ- ಮಾಕಾಶಶೂನ್ಯಂ
ಕಪಾಲಸ್ರಜಂ ತಂ ಧನುರ್ಬಾಣಹಸ್ತಂ.
ಪ್ರಶಸ್ತಸ್ವಭಾವಂ ಪ್ರಮಾರೂಪಮಾದ್ಯಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ಜಯಾನಂದದಂ ಪಂಚಧಾಮೋಕ್ಷದಾನಂ
ಶರಚ್ಚಂದ್ರಚೂಡಂ ಜಟಾಜೂಟಮುಗ್ರಂ.
ಲಸಚ್ಚಂದನಾ- ಲೇಪಿತಾಂಘ್ರಿದ್ವಯಂ ತಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ಜಗದ್ವ್ಯಾಪಿನಂ ಪಾಪಜೀಮೂತವಜ್ರಂ
ಭರಂ ನಂದಿಪೂಜ್ಯಂ ವೃಷಾರೂಢಮೇಕಂ.
ಪರಂ ಸರ್ವದೇಶಸ್ಥ- ಮಾತ್ಮಸ್ವರೂಪಂ
ಭಜೇ ಶಂಕರಂ ಸಾಧುಚಿತ್ತೇ ವಸಂತಂ.
ಹನುಮಾನ್ ಅಷ್ಟೋತ್ತರ ಶತನಾಮಾವಲಿ
ಓಂ ಆಂಜನೇಯಾಯ ನಮಃ. ಓಂ ಮಹಾವೀರಾಯ ನಮಃ. ಓಂ ಹನೂಮತೇ ನಮಃ. ಓಂ ಮಾರುತಾ....
Click here to know more..ತಾಮ್ರಪರ್ಣೀ ಸ್ತೋತ್ರ
ಸ್ವಯಂ ಜನೋದ್ಧಾರಕೃತೇ ಪ್ರವೃತ್ತಾ ಸಾ ತಾಮ್ರಪರ್ಣೀ ದುರಿತಂ ಧುನೋ....
Click here to know more..ರಕ್ಷಣೆಗಾಗಿ ಸೂರ್ಯ ಗಾಯತ್ರಿ ಮಂತ್ರ
ಓಂ ಅಶ್ವಧ್ವಜಾಯ ವಿದ್ಮಹೇ ಪಾಶಹಸ್ತಾಯ ಧೀಮಹಿ. ತನ್ನಃ ಸೂರ್ಯಃ ಪ್ರ....
Click here to know more..