கோகர்ணேசுவர ஸ்தோத்திரம்

ஶ்ரீப்ருʼஹதம்பாதிபதே ப்ரஹ்மபுரோகா꞉ ஸுரா꞉ ஸ்துவந்தி த்வாம் .
வ்யுஷ்டா ரஜனீ ஶயநாதுத்தாயைஷாமனுக்ரஹ꞉ க்ரியதாம் ..

கோகர்ணநாத கௌர்யா ஸஹஸுதயாருஹ்ய பாதுகே ஹைமே .
மௌக்திகமண்டபமேஹி ஸ்னாதுமவஷ்டப்ய மாமகம்ʼ ஹஸ்தம் ..

தைலை꞉ ஸப்தமஹார்ணவீபரிமிதைஸ்தாவத்பிருஷ்ணோதகை -
ராஜ்யக்ஷீரததீக்ஷுசூதரஸஸத்க்ஷௌத்ரைஸ்ததான்யைரபி .
ஸ்னானார்ஹைரபிஷேசயாமி சதுரோ வேதான் படன் பக்தித꞉
ஸ்வாமின் ஶ்ரீப்ருʼஹதம்பிகேஶ க்ருʼபயா தத் ஸர்வமங்கீகுரு ..

அண்டபித்திபரிவேஷ்டனயோக்யான் ஹம்ʼஸசித்ரிததஶானுபவீதை꞉ .
அர்பயாமி பவதே ப்ருʼஹதம்பாதீஶ தத்ஸ்வ நவபீதபடாம்ʼஸ்த்வம் ..

பஸ்மோத்தூலனபூர்வகம்ʼ ஶிவ பவத்தேஹம்ʼ த்ரிபுண்ட்ரைரலம்ʼ-
க்ருʼத்யாதாவனு சந்தனைர்மலயஜை꞉ கர்பூரஸம்ʼவாஸிதை꞉ .
ஸர்வாங்கம்ʼ தவ பூஷயாமி திலகேனாலீகமப்யாதராத்
பஶ்யாத்மானமனேகமன்மதஸமச்சாயம்ʼ ஸ்வமாதர்ஶகம் ..

யாவந்தஸ்த்ரிஜகத்ஸு ரத்னநிகரா யாவத்திரண்யம்ʼ ச தை-
ஸ்தேனாபீஶ தவாங்ககேஷு ரசயாம்யாபாதகேஶம்ʼ ஹ்ருʼதா .
யோக்யம்ʼ பூஷணஜாதமத்ய ப்ருʼஹதம்பேஶ த்வயாதாம்பிகா-
புத்ரேண ப்ரதிக்ருʼஹ்யதாம்ʼ மயி க்ருʼபாத்ருʼஷ்டிஶ்ச விஸ்தார்யதாம் ..

நந்தனசைத்ரரதாதிஷு தேவோத்யானேஷு யானி புஷ்பாணி .
தைர்பூஷயாமி நாகாபரண ப்ருʼஹன்னாயிகேஶ தே காத்ரம் ..

கோடிகோடிகுணிதை꞉ ஶிவ பில்வை꞉ கோமலைர்வகுலவ்ருʼக்ஷவனேஶ .
ஸ்வர்ணபுஷ்பஸஹிதை꞉ ஶ்ருதிபிஸ்த்வாம்ʼ பூஜயாமி பதயோ꞉ ப்ரதிமந்த்ரம் ..

குக்குளுபாரஸஹஸ்ரைர்பாடவவஹ்னௌ ப்ரதூபிதோ தூப꞉ .
சகுலவனேஶ ஸ்வாமிந்நகருஸமேதஸ்தவாஸ்து மோதாய ..

பிஸதந்துவர்திவிஹிதா꞉ ஸகோக்ருʼதா꞉ ஶதகோடிகோடிகணனோபரி ஸ்திதா꞉
ப்ரபயாதரீக்ருʼதரவீந்துபாவகா வகுலாடவீஶ தவ ஸந்து தீபிகா꞉ ..

ஶால்யன்னம்ʼ கனகாபஸூபஸஹிதம்ʼ ஸத்யோக்ருʼதைரன்விதம்ʼ
ஸோஷ்ணம்ʼ ஹாடகபாஜனஸ்தமசலஸ்பர்தாலு ஸவ்யஞ்ஜனம் .
கோகர்ணேஶ்வர க்ருʼஹ்யதாம்ʼ கருணயா ஸச்சர்கரான்னம்ʼ ததா
முத்கான்னம்ʼ க்ருʼஸரான்னமப்யதிஸுதம்ʼ பானீயமப்யந்தரா ..

க்ருʼஸரமனோஹரலட்டுகமோதகஶஷ்குல்யபூபவடகாதீன் .
ஸப்தஸமுத்ரமிதான் ஶ்ரீவகுலவனாதீஶ புங்க்ஷ்வ பக்ஷ்யாம்ʼஸ்த்வம் ..

க்ஷோணீஸம்ʼஸ்தை꞉ ஸமஸ்தை꞉ பனஸபலப்ருʼஹன்னாலிகேராம்ரரம்பா-
த்ராக்ஷாகர்ஜூரஜம்பூபதரபலலஸன்மாதுலங்கை꞉ கபித்யை꞉ .
நாரங்கைரிக்ஷுகண்டைரபி நிஜஜடரம்ʼ பூர்யதாம்ʼ மாமகம்ʼ சா-
பீஷ்டம்ʼ கோகர்ணஸஞ்ஜ்ஞஸ்தலநிலய மஹாதேவ ஸர்வஜ்ஞ ஶம்போ ..

க்ஷீராம்போதிகதம்ʼ பயஸ்ததுசிதே பாத்ரே ஸமர்யோபரி
ப்ரக்ஷிப்யார்ஜுனஶர்கராஶ்சணககோதூமான் ஸஹைலானபி .
பக்கம்ʼ பாயஸஸஞ்ஜ்ஞமத்புததமம்ʼ மத்வாஜ்யஸம்ம்மிஶ்ரிதம்ʼ
பக்த்யாஹம்ʼ விதராமி தேன ப்ருʼஹதம்வேஶாதிஸந்துப்யதாம் ..

மல்லீபுஷ்பஸமானகாந்திம்ருʼதுலானன்னாசலானம்புதௌ
தக்னஸ்தத்வதமர்த்யதேனுததிஜான் ஹையங்கவீனாசலான் .
க்ஷிப்த்வா ஶ்ரீப்ருʼஹதம்பிகேஶ லவணை꞉ கிஞ்சித் ஸமேதம்ʼ மயா
தாஸ்யாமோ(அ)பிசுமந்தசூர்ணஸஹிதம்ʼ தத்யோதனம்ʼ புஜ்யதாம் ..

அர்க்யாம்ʼ சாசமனீயம்ʼ பானீயம்ʼ க்ஷாலனீயமப்யம்பு .
ஸ்வாமின் வகுலவனேஶ ஸ்வ꞉ஸரிதத்பி꞉ ஸுதாபிரபி தத்யாம் ..

ஹர்ம்யே ரத்னபரிஷ்க்ருʼதே மரதகஸ்தம்பாயுதாலங்க்ருʼதே
தீப்யத்தேமகடைரலங்க்ருʼதஶிரஸ்யாலம்பிமுக்தாஸரே .
திவ்யைராஸ்தரணைர்விபூஷிதமஹாமஞ்சே(அ)பிதோ வாஸிதே
ஸாகம்ʼ ஶ்ரீப்ருʼஹ்ருʼதம்பயா ஸகுதுகம்ʼ ஸம்ʼவிஶ்ய விஶ்ரம்யதாம் ..

பஞ்சாக்ஷரேண மனுனா பஞ்சமஹாபாபபஞ்ஜனப்ரபுணா .
பஞ்சபரார்த்யைர்பில்வைர்தக்ஷிணகோகர்ணநாயகார்சாமி ..

ஏலாக்ரமுககர்பூரஜாதிகாஜாதிபத்ரிபி꞉ .
தாம்பூலம்ʼ சூர்ணஸம்ʼயுக்தம்ʼ கோகர்ணேஶ்வர க்ருʼஹ்யதாம் ..

ப்ருʼஹதம்பாபதே ஹேமபாத்ரயித்வா மஹீதலம் .
கர்பூரயித்வா ஹேமாத்ரிம்ʼ தவ நீராஜயாம்யஹம் ..

சத்ரம்ʼ தே ஶஶிமண்டலேன ரசயாம்யாகாஶகங்காஜரை꞉
ஶ்வேதம்ʼ சாமரமஷ்டதிக்கரிகடாகர்ணானிலைர்பீஜனம் .
ஆதர்ஶம்ʼ ரவிமண்டலேன ஜலதாராவேண பேரீரவம்ʼ
கந்தர்வாப்ஸரஸாம்ʼ கணைர்வகுலபூவாஸேஶ தௌர்யத்ரிகம் ..

கல்யாணாசலவர்சஸோ ரதவரான் கார்தஸ்வராலங்க்ருʼதான்
கைலாஸாத்ரினிபானிபானதிமருத்வேகாம்ʼஸ்துரங்கானபி .
காமாபீப்ஸிதரூபபௌருஷஜுஷ꞉ ஸங்க்யாவிஹீனான் படா-
நாலோக்யாம்பிகயோரரீகுரு ப்ருʼஹன்மாது꞉ ப்ரியேஶாதராத் ..

காஶ்மீரசோலதேஶானபி நிஜவிபவைர்வினிந்தத꞉ ஶஶ்வத் .
ஸந்ததபலதான் தேஶான் ஶ்ரீப்ருʼஹதம்பேஶ சித்தஜான் ப்ரததே ..

ஸ்வர்கம்ʼ பர்த்ஸயதோ நிமீலிதத்ருʼஶ꞉ ஸத்யம்ʼ ஹ்ரியாலோகிதும்ʼ
வைகுண்டம்ʼ ஹஸத꞉ கசாகசிஜுஷ꞉ கைலாஸதாம்னா தவ .
அத்யாஶ்சர்யயுதான் க்ருʼஹானபிமதானுத்பாத்ய புத்தயா ஸ்வயா
பக்த்யாஹம்ʼ விதராமி தேவ வகுலாரண்யாஶ்ரயாங்கீகுரு ..

விஶ்வஸ்யாந்தர்பஹிரபி விபோ வர்தஸே தேன தே ஸ்த꞉
தத் த்வாம்ʼ நந்தும்ʼ க்ரமிதுமபிதோ(அ)ஸம்பவான்னாஸ்மி ஶக்த꞉ .
பக்தாதீனஸ்த்வமஸி பகுலாடவ்யதீஶோபசாரான்
ஸர்வான் குர்வே ப்ரணமனமுகாநாஶயேனாநிஶம்ʼ தே ..

ஶ்ரீமன்மங்கலதீர்தபஶ்சிமதடப்ராஸாதபத்ராஸனா-
ஜஸ்ராவாஸக்ருʼதாந்தரங்கமஹனீயாங்கேந்துகங்காதர .
ஸ்தோத்ரம்ʼ தே கலயாமி ஶஶ்வதகிலாம்னாயை꞉ ஸஹாங்கை꞉ புன꞉
ஸர்வைஶ்சோபநிஷத்புராணகவிதாகும்பைர்பவச்சம்ʼஸிபி꞉ ..

ஸகலத்ரபுத்ரபௌத்ரம்ʼ ஸஹபரிவாரம்ʼ ஸஹோபகரணம்ʼ ச .
ஆத்மானமர்பயாமி ஶ்ரீப்ருʼஹதம்பேஶ பாஹி மாம்ʼ க்ருʼபயா ..

காயக்ருʼதம்ʼ வசனக்ருʼதம்ʼ ஹ்ருʼதயக்ருʼதம்ʼ சாபி மாமகம்ʼ மந்தும் .
பரிஹ்ருʼத்ய மாமஜஸ்ரம்ʼ த்வயி க்ருʼதபாரம்ʼ மஹேஶ பரிபாஹி ..

Ramaswamy Sastry and Vighnesh Ghanapaathi

Other stotras