रसेश्वर स्तुति
भानुसमानसुभास्वरलिङ्गं सज्जनमानसभास्करलिङ्गम्|
सुरवरदातृसुरेश्वरलिङ्गं तत् प्रणमामि रसेश्वरलिङ्गम्|
छत्रपतीन्द्रसुपूजितलिङ्गं रौप्यफणीन्द्रविभूषितलिङ्गम्|
ग्राम्यजनाश्रितपोषकलिङ्गं तत् प्रणमामि रसेश्वरलिङ्गम्|
बिल्वतरुच्छदनप्रियलिङ्गं किल्बिषदुष्फलदाहकलिङ्गम्|
सेवितकष्टविनाशनलिङ्गं तत् प्रणमामि रसेश्वरलिङ्गम्|
अब्जभगाग्निसुलोचनलिङ्गं शब्दसमुद्भवहेतुकलिङ्गम्|
पार्वतिजाह्नविसंयुतलिङ्गं तत् प्रणमामि रसेश्वरलिङ्गम्|
गन्धितचन्दनचर्चितलिङ्गं वन्दितपादसरोरुहलिङ्गम्|
स्कन्दगणेश्वरभावितलिङ्गं तत् प्रणमामि रसेश्वरलिङ्गम्|
पामरमानवमोचकलिङ्गं सकलचराचरपालकलिङ्गम्|
वाजिजचामरवीजितलिङ्गं तत् प्रणमामि रसेश्वरलिङ्गम्|
स्तोत्रमिदं प्रणिपत्य रसेशं यः पठति प्रतिघस्रमजस्रम्|
सो मनुजः शिवभक्तिमवाप्य ब्रह्मपदं लभतेऽप्यपवर्गम्|
Recommended for you
द्वादश ज्योतिर्लिंग भुजंग स्तोत्र
सुशान्तं नितान्तं गुणातीतरूपं शरण्यं प्रभुं सर्वलोकाध....
Click here to know more..अनंत कृष्ण अष्टक स्तोत्र
श्रीभूमिनीलापरिसेव्यमानमनन्तकृष्णं वरदाख्यविष्णुम्....
Click here to know more..परोऽपि हितवान् बन्धु:
अगर कोई पराया होकर भी हमारा भला चाहता है तो वह अपना है| अगर ....
Click here to know more..
