मार्गबन्धु स्तोत्र
शम्भो महादेव देव| शिव शम्भो महादेव देवेश शम्भो| शम्भो महादेव देव|
भालावनम्रत्किरीटम्, भालनेत्रार्चिषा दग्धपञ्चेषुकीटम्|
शूलाहतारातिकूटम्, शुद्धमर्धेन्दुचूडं भजे मार्गबन्धुम्।
शम्भो महादेव देव| शिव शम्भो महादेव देवेश शम्भो| शम्भो महादेव देव|
अङ्गे विराजद्भुजङ्गम्, अभ्रगङ्गातरङ्गाभिरामोत्तमाङ्गम्।
ओङ्कारवाटीकुरङ्गम्, सिद्धसंसेविताङ्घ्रिं भजे मार्गबन्धुम्।
शम्भो महादेव देव| शिव शम्भो महादेव देवेश शम्भो| शम्भो महादेव देव|
नित्यं चिदानन्दरूपम्, निह्नुताशेषलोकेशवैरिप्रतापम् ।
कार्तस्वराङ्गेन्द्रचापम्, कृत्तिवासं भजे दिव्यसन्मार्गबन्धुम्|
शम्भो महादेव देव| शिव शम्भो महादेव देवेश शम्भो| शम्भो महादेव देव|
कन्दर्पदर्पघ्नमीशम्, कालकण्ठं महेशं महाव्योमकेशम्।
कुन्दाभदन्तं सुरेशम्, कोटिसूर्यप्रकाशं भजे मार्गबन्धुम्।
शम्भो महादेव देव| शिव शम्भो महादेव देवेश शम्भो| शम्भो महादेव देव|
मन्दारभूतेरुदारम्, मन्दरागेन्द्रसारं महागौर्यदूरम्।
सिन्दूरदूरप्रचारम्, सिन्धुराजातिधीरं भजे मार्गबन्धुम्।
शम्भो महादेव देव| शिव शम्भो महादेव देवेश शम्भो| शम्भो महादेव देव|
अप्पय्ययज्वेन्द्रगीतम्, स्तोत्रराजं पठेद्यस्तु भक्त्या प्रयाणे।
तस्यार्थसिद्धिं विधत्ते मार्गमध्येऽभयं चाऽशुतोषो महेशः।
शम्भो महादेव देव| शिव शम्भो महादेव देवेश शम्भो| शम्भो महादेव देव|
Recommended for you
शिव पंचरत्न स्तोत्र
मत्तसिन्धुरमस्तकोपरि नृत्यमानपदाम्बुजं भक्तचिन्तितस....
Click here to know more..मधुराष्टक
अधरं मधुरं वदनं मधुरं नयनं मधुरं हसितं मधुरम्। हृदयं मधु....
Click here to know more..सीताजी के प्रति श्रीरामजी के प्रेम की तीव्रता
Click here to know more..
