യോ ലോകരക്ഷാർഥമിഹാവതീര്യ വൈകുണ്ഠലോകാത് സുരവര്യവര്യഃ.
ശേഷാചലേ തിഷ്ഠതി യോഽനവദ്യേ തം വേങ്കടേശം ശരണം പ്രപദ്യേ.
പദ്മാവതീമാനസരാജഹംസഃ കൃപാകടാക്ഷാനുഗൃഹീതഹംസഃ.
ഹംസാത്മനാദിഷ്ട- നിജസ്വഭാവസ്തം വേങ്കടേശം ശരണം പ്രപദ്യേ.
മഹാവിഭൂതിഃ സ്വയമേവ യസ്യ പദാരവിന്ദം ഭജതേ ചിരസ്യ.
തഥാപി യോഽർഥം ഭുവി സഞ്ചിനോതി തം വേങ്കടേശം ശരണം പ്രപദ്യേ.
യ ആശ്വിനേ മാസി മഹോത്സവാർഥം ശേഷാദ്രിമാരുഹ്യ മുദാതിതുംഗം.
യത്പാദമീക്ഷന്തി തരന്തി തേ വൈ തം വേങ്കടേശം ശരണം പ്രപദ്യേ.
പ്രസീദ ലക്ഷ്മീരമണ പ്രസീദ പ്രസീദ ശേഷാദ്രിശയ പ്രസീദ.
ദാരിദ്ര്യദുഃഖാദിഭയം ഹരസ്വ തം വേങ്കടേശം ശരണം പ്രപദ്യേ.
യദി പ്രമാദേന കൃതോഽപരാധഃ ശ്രീവേങ്കടേശാശ്രിതലോകബാധഃ.
സ മാമവ ത്വം പ്രണമാമി ഭൂയസ്തം വേങ്കടേശം ശരണം പ്രപദ്യേ.
ന മത്സമോ യദ്യപി പാതകീഹ ന ത്വത്സമഃ കാരുണികോഽപി ചേഹ.
വിജ്ഞാപിതം മേ ശൃണു ശേഷശായിൻ തം വേങ്കടേശം ശരണം പ്രപദ്യേ.
വേങ്കടേശാഷ്ടകമിദം ത്രികാലം യഃ പഠേന്നരഃ.
സ സർവപാപനിർമുക്തോ വേങ്കടേശപ്രിയോ ഭവേത്.
ശങ്കര ഭുജംഗ സ്തുതി
മഹാന്തം വരേണ്യം ജഗന്മംഗലം തം സുധാരമ്യഗാത്രം ഹരം നീലകണ്....
Click here to know more..ഏക ശ്ളോകി ഭാഗവതം
ആദൗ ദേവകിദേവിഗർഭജനനം ഗോപീഗൃഹേ വർധനം മായാപൂതനജീവിതാപഹ....
Click here to know more..സത്യം പരം ധീമഹി എന്നതിന്റെ അര്ഥം
ഏതൊന്ന് ദേശകാലങ്ങളാല് ബാധിക്കപ്പെടുന്നില്ലയോ അതാണ് ....
Click here to know more..