విఘ్నేశ స్తుతి

విఘ్నేశం ప్రణతోఽస్మ్యహం శివసుతం సిద్ధీశ్వరం దంతినం
గౌరీనిర్మితభాసమానవపుషం శ్వేతార్కమూలస్థితం .
సర్వారంభణపూజితం ద్విపముఖం దూర్వాసమిజ్యాప్రియం
మూలాధారనివాసినం చ ఫణినా బద్ధోదరం బుద్ధిదం ..

శ్వేతాంభోరుహవాసినీప్రియమనాః వేధాశ్చ వేదాత్మకః
శ్రీకాంతస్స్థితికారకః స్మరపితా క్షీరాబ్ధిశయ్యాహితః .
చంద్రాలంకృతమస్తకో గిరిజయా పృక్తాత్మదేహశ్శివ-
స్తే లోకత్రయవందితాస్త్రిపురుషాః కుర్యుర్మహన్మంగలం ..

సంసారార్ణవతారణోద్యమరతాః ప్రాపంచికానందగాః
జ్ఞానాబ్ధిం విభుమాశ్రయంతి చరమే నిత్యం సదానందదం .
ఆప్రత్యూషవిహారిణో గగనగాః నైకాః మనోజ్ఞాః స్థలీ-
ర్వీక్ష్యాంతే హి నిశాముఖే వసతరుం గచ్ఛంతి చంద్రద్యుతౌ ..

Ramaswamy Sastry and Vighnesh Ghanapaathi

Other stotras