మహోదర స్తుతి
సమాగత్య స దైత్యేంద్రో ననామ స మహోదరం .
భక్తిభావసమాయుక్తః పూజయామాస యత్నతః ..
పూజయిత్వా యథాన్యాయం పునస్తం ప్రణనామ సః .
కృత్వా కరపుటం మోహస్తుష్టావ చ మహోదరం ..
మోహాసుర ఉవాచ -
నమస్తే బ్రహ్మరూపాయ మహోదర సురూపిణే .
సర్వేషాం భోగభోక్త్రే వై దేహదేహిమయాయ చ ..
మూషకారూఢదేవాయ త్రినేత్రాయ నమో నమః .
చతుర్భుజాయ దేవానాం పతయే తే నమో నమః ..
అనాదయే చ సర్వేషామాదిరూపాయ తే నమః .
వినాయకాయ హేరంబ దీనపాలాయ వై నమః ..
గణేశాయ నిజానందపతయే బ్రహ్మనాయక! .
సిద్ధిబుద్ధిప్రదాత్రే వై బ్రహ్మభూతాయ వై నమః ..
బ్రహ్మభ్యో బ్రహ్మదాత్రే వై యోగశాంతిమయాయ చ .
యోగినాం పతయే తుభ్యం యోగిభ్యో యోగదాయక ..
సిద్ధిబుద్ధిపతే నాథ ఏకదంతాయ తే నమః .
శూర్పకర్ణాయ శూరాయ వీరాయ చ నమో నమః ..
సర్వేషాం మోహకర్త్రే వై భక్తేభ్యః సుఖదాయినే .
అభక్తానాం విశేషేణ విఘ్నకర్త్రే నమో నమః ..
మాయావినే చ మాయాయా ఆధారాయ నమో నమః .
మాయిభ్యో మాయయా చైవ భ్రాంతిదాయ నమో నమః ..
కిం స్తౌమి త్వాం గణాధ్యక్ష యత్ర వేదాః సహాంగకాః .
శాంతిం ప్రాప్తాస్తథాఽపి త్వం సంస్తుతోఽసి దయాపరః ..
ధన్యౌ మే పితరౌ జ్ఞానం తపః స్వాధ్యాయ ఏవ చ .
ధన్యం వపుశ్చ దేవేశ యేన దృష్టం పదాంబుజం ..
మహోదర ఉవాచ -
మదీయం సోత్రమేతద్వై సర్వదం యత్త్వయా కృతం .
భవిష్యతి జనాయైవ పఠతే శృణ్వతేఽసుర ..
మోహనాశకరం చైవ భుక్తిముక్తిప్రదం భవేత్ .
ధనధాన్యాదిదం సర్వం పుత్రపౌత్రసుఖప్రదం ..
Other stotras
