విచక్షణమపి ద్విషాం భయకరం విభుం శంకరం
వినీతమజమవ్యయం విధిమధీతశాస్త్రాశయం.
విభావసుమకింకరం జగదధీశమాశాంబరం
గణప్రముఖమర్చయే గజముఖం జగన్నాయకం.
అనుత్తమమనామయం ప్రథితసర్వదేవాశ్రయం
వివిక్తమజమక్షరం కలినిబర్హణం కీర్తిదం.
విరాట్పురుషమక్షయం గుణనిధిం మృడానీసుతం
గణప్రముఖమర్చయే గజముఖం జగన్నాయకం.
అలౌకికవరప్రదం పరకృపం జనైః సేవితం
హిమాద్రితనయాపతిప్రియసురోత్తమం పావనం.
సదైవ సుఖవర్ధకం సకలదుఃఖసంతారకం
గణప్రముఖమర్చయే గజముఖం జగన్నాయకం.
కలానిధిమనత్యయం మునిగతాయనం సత్తమం
శివం శ్రుతిరసం సదా శ్రవణకీర్తనాత్సౌఖ్యదం.
సనాతనమజల్పనం సితసుధాంశుభాలం భృశం
గణప్రముఖమర్చయే గజముఖం జగన్నాయకం.
గణాధిపతిసంస్తుతిం నిరపరాం పఠేద్యః పుమాన్-
అనారతముదాకరం గజముఖం సదా సంస్మరన్.
లభేత సతతం కృపాం మతిమపారసనతారిణీం
జనో హి నియతం మనోగతిమసాధ్యసంసాధినీం.
సప్తశతీ సార దుర్గా స్తోత్రం
యస్యా దక్షిణభాగకే దశభుజా కాలీ కరాలా స్థితా యద్వామే చ సర....
Click here to know more..హనుమాన్ స్తుతి
అరుణారుణ- లోచనమగ్రభవం వరదం జనవల్లభ- మద్రిసమం. హరిభక్తమప....
Click here to know more..జ్యేష్ఠ నక్షత్రం
జ్యేష్ఠ నక్షత్రం - లక్షణాలు, ఆరోగ్య సమస్యలు, వృత్తి, అదృష....
Click here to know more..