గృత్సమద ఉవాచ -
మదాసురః ప్రణమ్యాదౌ పరశుం యమసన్నిభం .
తుష్టావ వివిధైర్వాక్యైః శస్త్రం బ్రహ్మమయం భయాత్ ..1..
మదాసుర ఉవాచ -
నమస్తే శస్త్రరాజాయ నమస్తే పరశో మహన్ .
తేజఃపుంజమయాయైవ కాలకాలాయ తే నమః ..2..
ఏకదంతస్య యద్వీర్యం స్వధర్మస్థాపనాత్మకం .
త్వమేవ నాత్ర సందేహో రక్ష మాం శరణాగతం ..3..
అతస్త్వాం ప్రణమామ్యేవ జ్యోతీరూపం మహాద్భుతం .
రక్ష మాం భయభీతం వై శరణాగతవత్సల ..4..
కాలరూపస్త్వమేవేహ మహాప్రలయసూచకః .
కః సమర్థశ్చ తే వేగసహనే దేహధారకః ..5..
నమస్తే ఏకదంతాయ మాయామాయికరూపిణే .
సదా బ్రహ్మమయాయైవ గణేశాయ నమో నమః ..6..
మూషకారూఢరూపాయ మూషకధ్వజినే నమః .
సర్వత్ర సంస్థితాయైవ బంధహీనాయ తే నమః ..7..
చతుర్బాహుధరాయైవ లంబోదర సురూపిణే .
నాభిశేషాయ వై తుభ్యం హేరంబాయ నమో నమః ..8..
చింతామణిధరాయైవ చిత్తస్థాయ గజానన .
నానాభూషణయుక్తాయ గణాధిపతయే నమః ..9..
అనంతవిభవాయైవానంతమాయాప్రచాలక! .
భక్తానందప్రదాత్రే తే విఘ్నేశాయ నమో నమః ..10..
యోగినాం యోగదాత్రే తే యోగానాం పతయే నమః .
యోగాకారస్వరూపాయ హ్యేకదంతప్రధారిణే ..11..
మాయాకారం శరీరం తే ఏకశబ్దః ప్రకథ్యతే .
దంతః సత్తామయస్తత్ర మస్తకస్తే నమో నమః ..12..
మాయాసత్తావిహీనస్త్వం తయోర్యోగధరస్తథా .
కస్త్వాం స్తోతుం సమర్థః స్యాదతస్తే వై నమో నమః ..13..
శరణాగతపాలాయ శరణాగతవత్సల .
పునః పునః సిద్ధిబుద్ధిపతే తుభ్యం నమో నమః ..14..
రక్ష మామేకదంతస్త్వం శరణాగతమంజసా .
భక్తం భావేన సంప్రాప్తం సంసారాత్తారయస్వ చ ..15..
బృహదీశ్వర స్తోత్రం
ప్రవరం ప్రభుమవ్యయరూపమజం హరికేశమపారకృపాజలధిం| అభివాద్....
Click here to know more..హనుమత్ స్తవం
కందర్పకోటిలావణ్యం సర్వవిద్యావిశారదం. ఉద్యదాదిత్యసంకా....
Click here to know more..స్థిర పని కోసం అనంతమంత్ర
ఓం హ్రీం అం అనంతాయ ఆధారశక్తికమలాసనాయ నమః ఓం హ్రీం అం అనం....
Click here to know more..