ഗണപതി മംഗളാഷ്ടക സ്തോത്രം

ഗജാനനായ ഗാംഗേയസഹജായ സദാത്മനേ.
ഗൗരീപ്രിയതനൂജായ ഗണേശായാസ്തു മംഗളം.
നാഗയജ്ഞോപവീതായ നതവിഘ്നവിനാശിനേ.
നന്ദ്യാദിഗണനാഥായ നായകായാസ്തു മംഗളം.
ഇഭവക്ത്രായ ചേന്ദ്രാദിവന്ദിതായ ചിദാത്മനേ.
ഈശാനപ്രേമപാത്രായ നായകായാസ്തു മംഗളം.
സുമുഖായ സുശുണ്ഡാഗ്രോക്ഷിപ്താമൃതഘടായ ച.
സുരവൃന്ദനിഷേവ്യായ ചേഷ്ടദായാസ്തു മംഗളം.
ചതുർഭുജായ ചന്ദ്രാർധവിലസന്മസ്തകായ ച.
ചരണാവനതാനർഥതാരണായാസ്തു മംഗളം.
വക്രതുണ്ഡായ വടവേ വന്യായ വരദായ ച.
വിരൂപാക്ഷസുതായാസ്തു വിഘ്നനാശായ മംഗളം.
പ്രമോദമോദരൂപായ സിദ്ധിവിജ്ഞാനരൂപിണേ.
പ്രകൃഷ്ടപാപനാശായ ഫലദായാസ്തു മംഗളം.
മംഗളം ഗണനാഥായ മംഗളം ഹരസൂനവേ.
മംഗളം വിഘ്നരാജായ വിഘഹർത്രേസ്തു മംഗളം.
ശ്ലോകാഷ്ടകമിദം പുണ്യം മംഗളപ്രദമാദരാത്.
പഠിതവ്യം പ്രയത്നേന സർവവിഘ്നനിവൃത്തയേ.

Ramaswamy Sastry and Vighnesh Ghanapaathi

Other stotras