ഗജമുഖ സ്തുതി
വിചക്ഷണമപി ദ്വിഷാം ഭയകരം വിഭും ശങ്കരം
വിനീതമജമവ്യയം വിധിമധീതശാസ്ത്രാശയം.
വിഭാവസുമകിങ്കരം ജഗദധീശമാശാംബരം
ഗണപ്രമുഖമർചയേ ഗജമുഖം ജഗന്നായകം.
അനുത്തമമനാമയം പ്രഥിതസർവദേവാശ്രയം
വിവിക്തമജമക്ഷരം കലിനിബർഹണം കീർതിദം.
വിരാട്പുരുഷമക്ഷയം ഗുണനിധിം മൃഡാനീസുതം
ഗണപ്രമുഖമർചയേ ഗജമുഖം ജഗന്നായകം.
അലൗകികവരപ്രദം പരകൃപം ജനൈഃ സേവിതം
ഹിമാദ്രിതനയാപതിപ്രിയസുരോത്തമം പാവനം.
സദൈവ സുഖവർധകം സകലദുഃഖസന്താരകം
ഗണപ്രമുഖമർചയേ ഗജമുഖം ജഗന്നായകം.
കലാനിധിമനത്യയം മുനിഗതായനം സത്തമം
ശിവം ശ്രുതിരസം സദാ ശ്രവണകീർതനാത്സൗഖ്യദം.
സനാതനമജല്പനം സിതസുധാംശുഭാലം ഭൃശം
ഗണപ്രമുഖമർചയേ ഗജമുഖം ജഗന്നായകം.
ഗണാധിപതിസംസ്തുതിം നിരപരാം പഠേദ്യഃ പുമാൻ-
അനാരതമുദാകരം ഗജമുഖം സദാ സംസ്മരൻ.
ലഭേത സതതം കൃപാം മതിമപാരസനതാരിണീം
ജനോ ഹി നിയതം മനോഗതിമസാധ്യസംസാധിനീം.
Recommended for you
മീനാക്ഷീ പഞ്ചരത്ന സ്തോത്രം
ഉദ്യദ്ഭാനുസഹസ്രകോടിസദൃശാം കേയൂരഹാരോജ്ജ്വലാം ബിംബോഷ്....
Click here to know more..ശിവ താണ്ഡവ സ്തോത്രം
ജടാടവീഗലജ്ജല- പ്രവാഹപാവിതസ്ഥലേ ഗലേഽവലംബ്യ ലംബിതാം ഭുജ....
Click here to know more..ശുക്ലയജുര്‍വേദത്തിലെ ശ്രീരുദ്രം
Click here to know more..
