പ്രാതഃ സ്മരാമി ഗണനാഥമുഖാരവിന്ദം
നേത്രത്രയം മദസുഗന്ധിതഗണ്ഡയുഗ്മം.
ശുണ്ഡഞ്ച രത്നഘടമണ്ഡിതമേകദന്തം
ധ്യാനേന ചിന്തിതഫലം വിതരന്നമീക്ഷ്ണം.
പ്രാതഃ സ്മരാമി ഗണനാഥഭുജാനശേഷാ-
നബ്ജാദിഭിർവിലസിതാൻ ലസിതാംഗദൈശ്ച.
ഉദ്ദണ്ഡവിഘ്നപരിഖണ്ഡന- ചണ്ഡദണ്ഡാൻ
വാഞ്ഛാധികം പ്രതിദിനം വരദാനദക്ഷാൻ.
പ്രാതഃ സ്മരാമി ഗണനാഥവിശാലദേഹം
സിന്ദൂരപുഞ്ജപരിരഞ്ജിത- കാന്തികാന്തം.
മുക്താഫലൈർമണി- ഗണൈർലസിതം സമന്താത്
ശ്ലിഷ്ടം മുദാ ദയിതയാ കില സിദ്ധലക്ഷ്മ്യാ.
പ്രാതഃ സ്തുവേ ഗണപതിം ഗണരാജരാജം
മോദപ്രമോദസുമുഖാദി- ഗണൈശ്ച ജുഷ്ടം.
ശക്ത്യഷ്ടഭിർവിലസിതം നതലോകപാലം
ഭക്താർതിഭഞ്ജനപരം വരദം വരേണ്യം.
പ്രാതഃ സ്മരാമി ഗണനായകനാമരൂപം
ലംബോദരം പരമസുന്ദരമേകദന്തം.
സിദ്ധിപ്രദം ഗജമുഖം സുമുഖം ശരണ്യം
ശ്രേയസ്കരം ഭുവനമംഗലമാദിദേവം.
യഃ ശ്ലോകപഞ്ചകമിദം പഠതി പ്രഭാതേ
ഭക്ത്യാ ഗൃഹീതചരണോ ഗണനായകസ്യ.
തസ്മൈ ദദാതി മുദിതോ വരദാനദക്ഷ-
ശ്ചിന്താമണിർനിഖില- ചിന്തിതമർഥകാമം.
ദക്ഷിണാമൂർത്തി അഷ്ടോത്തര ശത നാമാവലി
ഓം സുചേതനായ നമഃ. ഓം മതിപ്രജ്ഞാസുധാരകായ നമഃ. ഓം മുദ്രാപുസ....
Click here to know more..ശുക്ര കവചം
ഓം അസ്യ ശ്രീശുക്രകവചസ്തോത്രമന്ത്രസ്യ. ഭാരദ്വാജ ഋഷിഃ. അ....
Click here to know more..ഐശ്വര്യത്തിനായുള്ള വാസ്തു പുരുഷ് മന്ത്രം
ഓം സുരശ്രേഷ്ഠായ നമഃ. ഓം മഹാബലസമന്വിതായ നമഃ. ഓം ഗുഡാന്നാ....
Click here to know more..