गृत्समद उवाच -
मदासुरः प्रणम्यादौ परशुं यमसन्निभम् ।
तुष्टाव विविधैर्वाक्यैः शस्त्रं ब्रह्ममयं भयात् ॥१॥
मदासुर उवाच -
नमस्ते शस्त्रराजाय नमस्ते परशो महन् ।
तेजःपुञ्जमयायैव कालकालाय ते नमः ॥२॥
एकदन्तस्य यद्वीर्यं स्वधर्मस्थापनात्मकम् ।
त्वमेव नात्र सन्देहो रक्ष मां शरणागतम् ॥३॥
अतस्त्वां प्रणमाम्येव ज्योतीरूपं महाद्भुतम् ।
रक्ष मां भयभीतं वै शरणागतवत्सल ॥४॥
कालरूपस्त्वमेवेह महाप्रलयसूचकः ।
कः समर्थश्च ते वेगसहने देहधारकः ॥५॥
नमस्ते एकदन्ताय मायामायिकरूपिणे ।
सदा ब्रह्ममयायैव गणेशाय नमो नमः ॥६॥
मूषकारूढरूपाय मूषकध्वजिने नमः ।
सर्वत्र संस्थितायैव बन्धहीनाय ते नमः ॥७॥
चतुर्बाहुधरायैव लम्बोदर सुरूपिणे ।
नाभिशेषाय वै तुभ्यं हेरम्बाय नमो नमः ॥८॥
चिन्तामणिधरायैव चित्तस्थाय गजानन ।
नानाभूषणयुक्ताय गणाधिपतये नमः ॥९॥
अनन्तविभवायैवानन्तमायाप्रचालक! ।
भक्तानन्दप्रदात्रे ते विघ्नेशाय नमो नमः ॥१०॥
योगिनां योगदात्रे ते योगानां पतये नमः ।
योगाकारस्वरूपाय ह्येकदन्तप्रधारिणे ॥११॥
मायाकारं शरीरं ते एकशब्दः प्रकथ्यते ।
दन्तः सत्तामयस्तत्र मस्तकस्ते नमो नमः ॥१२॥
मायासत्ताविहीनस्त्वं तयोर्योगधरस्तथा ।
कस्त्वां स्तोतुं समर्थः स्यादतस्ते वै नमो नमः ॥१३॥
शरणागतपालाय शरणागतवत्सल ।
पुनः पुनः सिद्धिबुद्धिपते तुभ्यं नमो नमः ॥१४॥
रक्ष मामेकदन्तस्त्वं शरणागतमञ्जसा ।
भक्तं भावेन संप्राप्तं संसारात्तारयस्व च ॥१५॥
gri'tsamada uvaacha -
madaasurah' pranamyaadau parashum yamasannibham .
tusht'aava vividhairvaakyaih' shastram brahmamayam bhayaat ..1..
madaasura uvaacha -
namaste shastraraajaaya namaste parasho mahan .
tejah'punjamayaayaiva kaalakaalaaya te namah' ..2..
ekadantasya yadveeryam svadharmasthaapanaatmakam .
tvameva naatra sandeho raksha maam sharanaagatam ..3..
atastvaam pranamaamyeva jyoteeroopam mahaadbhutam .
raksha maam bhayabheetam vai sharanaagatavatsala ..4..
kaalaroopastvameveha mahaapralayasoochakah' .
kah' samarthashcha te vegasahane dehadhaarakah' ..5..
namaste ekadantaaya maayaamaayikaroopine .
sadaa brahmamayaayaiva ganeshaaya namo namah' ..6..
mooshakaarood'haroopaaya mooshakadhvajine namah' .
sarvatra samsthitaayaiva bandhaheenaaya te namah' ..7..
chaturbaahudharaayaiva lambodara suroopine .
naabhisheshaaya vai tubhyam herambaaya namo namah' ..8..
chintaamanidharaayaiva chittasthaaya gajaanana .
naanaabhooshanayuktaaya ganaadhipataye namah' ..9..
anantavibhavaayaivaanantamaayaaprachaalaka! .
bhaktaanandapradaatre te vighneshaaya namo namah' ..10..
yoginaam yogadaatre te yogaanaam pataye namah' .
yogaakaarasvaroopaaya hyekadantapradhaarine ..11..
maayaakaaram shareeram te ekashabdah' prakathyate .
dantah' sattaamayastatra mastakaste namo namah' ..12..
maayaasattaaviheenastvam tayoryogadharastathaa .
kastvaam stotum samarthah' syaadataste vai namo namah' ..13..
sharanaagatapaalaaya sharanaagatavatsala .
punah' punah' siddhibuddhipate tubhyam namo namah' ..14..
raksha maamekadantastvam sharanaagatamanjasaa .
bhaktam bhaavena sampraaptam samsaaraattaarayasva cha ..15..
Lakshmi Narasimha Ashtakam
prahlaada aaste'khilago harih' sa lakshmeenri'simho'vatu maam samantaat.....
Click here to know more..Vatuka Bhairava Kavacham
kunkumenaasht'agandhena gorochanaishcha kesaraih'. dhaarayetpaat'haayedvaapi sampat'hedvaapi nityashah'. sampraapnoti phalam sarvam naatra kaaryaa vic....
Click here to know more..What Is Above And Below Kalachakra
Kalachakra is a powerful symbol in many spiritual traditions. Learn about what lies above and below it and the deeper meaning behind this mystical con....
Click here to know more..