ಅಕಾರಾರ್ಥೋ ವಿಷ್ಣುರ್ಜಗದುದಯರಕ್ಷಾಪ್ರಲಯಕೃನ್-
ಮಕಾರಾರ್ಥೋ ಜೀವಸ್ತದುಪಕರಣಂ ವೈಷ್ಣವಮಿದಂ .
ಉಕಾರೋಽನನ್ಯರ್ಹಂ ನಿಯಮಯತಿ ಸಂಬಂಧಮನಯೋ-
ಸ್ತ್ರಯೀಸಾರಸ್ತ್ರ್ಯಾತ್ಮಾ ಪ್ರಣವ ಇಮಮರ್ಥಂ ಸಮದಿಶತ್ ..1..
ಮಂತ್ರಬ್ರಹ್ಮಣಿ ಮಧ್ಯಮೇನ ನಮಸಾ ಪುಂಸಃಸ್ವರೂಪಂಗತಿ-
ರ್ಗಮ್ಯಂ ಶಿಕ್ಷಿತಮೀಕ್ಷಿತೇನ ಪುರತಃಪಶ್ಚಾದಪಿ ಸ್ಥಾನತಃ .
ಸ್ವಾತಂತ್ರ್ಯಂ ನಿಜರಕ್ಷಣಂ ಸಮುಚಿತಾ ವೃತ್ತಿಶ್ಚ ನಾನ್ಯೋಚಿತಾ
ತಸ್ಯೈವೇತಿ ಹರೇರ್ವಿವಿಚ್ಯ ಕಥಿತಂ ಸ್ವಸ್ಯಾಪಿ ನಾರ್ಹಂ ತತಃ ..2..
ಅಕಾರಾರ್ಥಾಯೈವಸ್ವಮಹಮಥ ಮಹ್ಯಂ ನ ನಿವಹಾಃ
ನರಾಣಾಂ ನಿತ್ಯಾನಾಮಯನಮಿತಿ ನಾರಾಯಣಪದಂ .
ಯಮಾಹಾಸ್ಮೈ ಕಾಲಂ ಸಕಲಮಪಿ ಸರ್ವತ್ರ ಸಕಲಾ-
ಸ್ವವಸ್ಥಾಸ್ವಾವಿಃ ಸ್ಯುರ್ಮಮ ಸಹಜಕೈಂಕರ್ಯವಿಧಯಃ ..3..
ದೇಹಾಸಕ್ತಾತ್ಮಬುದ್ಧಿರ್ಯದಿ ಭವತಿ ಪದಂ ಸಾಧು ವಿದ್ಯಾತ್ತೃತೀಯಂ
ಸ್ವಾತಂತ್ರ್ಯಾಂಧೋ ಯದಿ ಸ್ಯಾತ್ಪ್ರಥಮಮಿತರಶೇಷತ್ವಧೀಶ್ಚೇದ್ ದ್ವಿತೀಯಂ .
ಆತ್ಮತ್ರಾಣೋನ್ಮುಖಶ್ಚೇನ್ನಮ ಇತಿ ಚ ಪದಂ ಬಾಂಧವಾಭಾಸಲೋಲಃ
ಶಬ್ದಂ ನಾರಾಯಣಾಖ್ಯಂ ವಿಷಯಚಪಲಧೀಶ್ಚೇಚ್ಚತುರ್ಥೀಂ ಪ್ರಪನ್ನಃ ..4..
ನೇತೃತ್ವಂ ನಿತ್ಯಯೋಗಂ ಸಮುಚಿತಗುಣಜಾತಂ ತನುಖ್ಯಾಪನಂಚೋ-
ಪಾಯಂ ಕರ್ತ್ತವ್ಯಭಾಗಂ ತ್ವಥ ಮಿಥುನಪರಂ ಪ್ರಾಪ್ಯಮೇವಂ ಪ್ರಸಿದ್ಧಂ .
ಸ್ವಾಮಿತ್ವಂ ಪ್ರಾರ್ಥನಾಂ ಚ ಪ್ರಬಲತರವಿರೋಧಿಪ್ರಹಾಣಂ ದಶೈತಾನ್
ಮಂತಾರಂ ತ್ರಾಯತೇ ಚೇತ್ಯಧಿಗತನಿಯಮಃ ಷಟ್ಪದೋಽಯಂ ದ್ವಿಖಂಡಃ ..5..
ಈಶಾನಾಂಜಗತಾಮಧೀಶದಯಿತಾಂ ನಿತ್ಯಾನಪಾಯಾಂ ಶ್ರಿಯಂ
ಸಂಶ್ರಿತ್ಯಾಶ್ರಯಣೋಚಿತಾಖಿಲಗುಣಸ್ಯಾಂಘ್ರೀ ಹರೇರಾಶ್ರಯೇ .
ಇಷ್ಟೋಪಾಯತಯಾ ಶ್ರಿಯಾ ಚ ಸಹಿತಾಯಾತ್ಮೇಶ್ವರಾಯಾರ್ಥಯೇ
ಕರ್ತುಂ ದಾಸ್ಯಮಶೇಷಮಪ್ರತಿಹತಂ ನಿತ್ಯಂ ತ್ವಹಂ ನಿರ್ಮಮಃ ..6..
ಮತ್ಪ್ರಾಪ್ತ್ಯರ್ಥತಯಾ ಮಯೋಕ್ತಮಖಿಲಂ ಸಂತ್ಯಜ್ಯ ಧರ್ಮಂ ಪುನಃ
ಮಾಮೇಕಂ ಮದವಾಪ್ತಯೇ ಶಮಣಮಿತ್ಯಾರ್ತೋಽವಸಾಯಂ ಕುರು .
ತ್ವಾಮೇಕಂ ವ್ಯವಸಾಯಯುಕ್ತಮಖಿಲಜ್ಞಾನಾದಿಪೂರ್ಣೋ ಹ್ಯಹಂ
ಮತ್ಪ್ರಾಪ್ತಿಪ್ರತಿಬಂಧಕೈರ್ವಿರಹಿತಂ ಕುರ್ಯಾಂ ಶುಚಂ ಮಾ ಕೃಥಾಃ ..7..
ನಿಶ್ಚಿತ್ಯ ತ್ವದಧೀನತಾಂ ಮಯಿ ಸದಾ ಕರ್ಮಾದ್ಯುಪಾಯಾನ್ ಹರೇ
ಕರ್ತುಂ ತ್ಯಕ್ತುಮಪಿ ಪ್ರಪತ್ತುಮನಲಂ ಸೀದಾಮಿ ದುಃಖಾಕುಲಃ .
ಏತಜ್ಜ್ಞಾನಮುಪೇಯುಷೋ ಮಮ ಪುನಸ್ಸರ್ವಾಪರಾಧಕ್ಷಯಂ
ಕರ್ತಾಸೀತಿ ದೃಢೋಽಸ್ಮಿ ತೇ ತು ಚರಮಂ ವಾಕ್ಯಂ ಸ್ಮರನ್ಸಾರಥೇಃ ..8..
ಶಾಖಾನಾಮುಪರಿ ಸ್ಥಿತೇನ ಮನುನಾ ಮೂಲೇನ ಲಬ್ಧಾತ್ಮಕಃ
ಸತ್ತಾಹೇತುಸಕೃಜ್ಜಪೇನ ಸಕಲಂ ಕಾಲಂ ದ್ವಯೇನ ಕ್ಷಿಪನ್ .
ವೇದೋತ್ತಂಸವಿಹಾರಸಾರಥಿದಯಾಗುಂಫೇನ ವಿಸ್ತ್ರಂಭಿತಃ
ಸಾರಜ್ಞೋ ಯದಿ ಕಶ್ಚಿದಸ್ತಿ ಭುವನೇ ನಾಥಃ ಸ ಯೂಥಸ್ಯ ನಃ ..9..
ಶಿವ ಮಂಗಲ ಸ್ತುತಿ
ಭುವನೇ ಸದೋದಿತಂ ಹರಂ ಗಿರಿಶಂ ನಿತಾಂತಮಂಗಲಂ. ಶಿವದಂ ಭುಜಂಗಮಾಲಿನ....
Click here to know more..ದುರ್ಗಾ ಸ್ತವಂ
ಸನ್ನದ್ಧಸಿಂಹಸ್ಕಂಧಸ್ಥಾಂ ಸ್ವರ್ಣವರ್ಣಾಂ ಮನೋರಮಾಂ. ಪೂರ್ಣೇಂದ....
Click here to know more..ರೆಸ್ಟೋರೆಂಟ್ ವ್ಯವಹಾರದಲ್ಲಿ ಯಶಸ್ಸಿಗೆ ಮಂತ್ರ
ಅನ್ನರೂಪ ರಸರೂಪ ತುಷ್ಟಿರೂಪ ನಮೋ ನಮಃ . ಅನ್ನಾಧಿಪತಯೇ ಮಮಾಽನ್ನಂ ಪ....
Click here to know more..