ಪರಶುರಾಮ ರಕ್ಷಾ ಸ್ತೋತ್ರ

ನಮಸ್ತೇ ಜಾಮದಗ್ನ್ಯಾಯ ಕ್ರೋಧದಗ್ಧಮಹಾಸುರ . 
ಕ್ಷತ್ರಾಂತಕಾಯ ಚಂಡಾಯ ರಾಮಾಯಾಪಾರತೇಜಸೇ ..

ವಿನಾಶಕಾಯ ದುಷ್ಟಾನಾಂ ರಕ್ಷಕಾಯ ಸದರ್ಥಿನಾಂ . 
ಭೃಗುಕುಲ್ಯಾಯ ವೀರಾಯ ವಿಷ್ಣುರೂಪಾಯ ತೇ ನಮಃ ..

ಮಹಾಭಯಂಕರಾಯೈವ ಮಹಾದೇವಾಯ ಧೀಮತೇ . 
ಬ್ರಹ್ಮವಂಶೋದ್ಭವಾಯೈವ ಪರ್ಶುರಾಮ ನಮೋಽಸ್ತು ತೇ ..

ಪರ್ಶುಹಸ್ತಾಯ ವೀರಾಯ ರೇಣುಕಾನಂದವರ್ಧಿನೇ . 
ಸರ್ವದುಷ್ಟಶಮಾಯೈವ ತುಭ್ಯಂ ರಾಮ ನಮೋಽಸ್ತು ತೇ ..

ಯಜ್ಞವಿಘ್ನಹರಾಯೈವ ಕೃಪಾಣಧೃತವಕ್ಷಸೇ . 
ಕುಕರ್ಮನಾಶಕಾಯಾಸ್ತು ನಮಸ್ತುಭ್ಯಂ ಹರೇ ಮುಹುಃ ..

ರಕ್ಷಸ್ವ ಮಾಂ ಮಹಾಬಾಹೋ ಮಹಾಬಲ ನಮೋಽಸ್ತು ತೇ . 
ದುರ್ಜನೈಃ ಪರಿವಿಷ್ಟಂ ಹಿ ಶತ್ರುಸಂಘಾತವಾರಣ ..

ಧನುರ್ವೇದಪ್ರಧಾನಾಯ ವೇದಸಾರಾಯ ಧೀಮತೇ . 
ತಪೋಧನಪ್ರಿಯಾಯೈವ ಜಗನ್ನಾಥಾಯ ತೇ ನಮಃ ..

ಜಪೇತ್ ಸ್ತೋತ್ರಂ ಸದಾ ಜಪ್ಯಂ ಯಃ ಸುಧೀಃ ಪ್ರತ್ಯಹಂ ಮುದಾ .
ನಿತ್ಯಂ ರಕ್ಷಾಮವಾಪ್ನೋತಿ ಶತ್ರುಭ್ಯೋ ನಹಿ ಸಂಶಯಃ ..

Ramaswamy Sastry and Vighnesh Ghanapaathi

Other stotras