ಅಸ್ಯ ಶ್ರೀವೇಂಕಟೇಶಕವಚಸ್ತೋತ್ರಮಹಾಮಂತ್ರಸ್ಯ ಬ್ರಹ್ಮಾ ಋಷಿಃ.
ಗಾಯತ್ರೀ ಛಂದಃ. ಶ್ರೀವೇಂಕಟೇಶ್ವರೋ ದೇವತಾ.
ಓಂ ಬೀಜಂ. ಹ್ರೀಂ ಶಕ್ತಿಃ. ಕ್ಲೀಂ ಕೀಲಕಂ. ಇಷ್ಟಾರ್ಥೇ ವಿನಿಯೋಗಃ.
ಧ್ಯಾಯೇದ್ವೇಂಕಟನಾಯಕಂ ಕರಯುಗೇ ಶಂಖಂ ಚ ಚಕ್ರಂ ಮುದಾ
ಚಾನ್ಯೇ ಪಾಣಿಯುಗೇ ವರಂ ಕಟಿತಟೇ ವಿಭ್ರಾಣಮರ್ಕಚ್ಛವಿಂ.
ದೇವಂ ದೇವಶಿಖಾಮಣಿಂ ಶ್ರಿಯಮಥೋ ವಕ್ಷೋದಧಾನಂ ಹರಿಂ
ಭೂಷಾಜಾಲಮನೇಕರತ್ನಖಚಿತಂ ದಿವ್ಯಂ ಕಿರೀಟಾಂಗದಂ.
ವರಾಹಃ ಪಾತು ಮೇ ಶೀರ್ಷಂ ಕೇಶಾನ್ ಶ್ರೀವೇಂಂಕಟೇಶ್ವರಃ.
ಶಿಖಾಮಿಳಾಪತಿಃ ಕರ್ಣೋ ಲಲಾಟಂ ದಿವ್ಯವಿಗ್ರಹಃ.
ನೇತ್ರೇ ಯುಗಾಂತಸ್ಥಾಯೀ ಮೇ ಕಪೋಲೇ ಕನಕಾಂಬರಃ.
ನಾಸಿಕಾಮಿಂದಿರಾನಾಥೋ ವಕ್ತ್ರಂ ಬ್ರಹ್ಮಾದಿವಂದಿತಃ.
ಚುಬುಕಂ ಕಾಮದಃ ಕಂಠಮಗಸ್ತ್ಯಾಭೀಷ್ಟದಾಯಕಃ.
ಅಂಸೌ ಕಂಸಾಂತಕಃ ಪಾತು ಕಮಠಸ್ಸ್ತನಮಂಡಲೇ.
ಹೃತ್ಪದ್ಮಂ ಪಾತ್ವದೀನಾತ್ಮಾ ಕುಕ್ಷಿಂ ಕಾಲಾಂಬರದ್ಯುತಿಃ.
ಕಟಿಂ ಕೋಲವಪುಃ ಪಾತು ಗುಹ್ಯಂ ಕಮಲಕೋಶಭೃತ್.
ನಾಭಿಂ ಪದ್ಮಾಪತಿಃ ಪಾತು ಕರೌ ಕಲ್ಮಷನಾಶನಃ.
ಅಂಗುಲೀರ್ಹೈಮಶೈಲೇಂದ್ರೋ ನಖರಾನಂಬರದ್ಯುತಿಃ.
ಊರೂ ತುಂಬುರುಗಾನಜ್ಞೋ ಜಾನುನೀ ಶಂಖಚಕ್ರಭೃತ್.
ಪಾದೌ ಪದ್ಮೇಕ್ಷಣಃ ಪಾತು ಗುಲ್ಫೌ ಚಾಕಾಶಗಾಂಗದಃ.
ದಿಶೋ ದಿಕ್ಪಾಲವಂದ್ಯಾಂಘ್ರಿರ್ಭಾರ್ಯಾಂ ಪಾಂಡವತೀರ್ಥಗಃ.
ಅವ್ಯಾತ್ಪುತ್ರಾನ್ ಶ್ರೀನಿವಾಸಃ ಸರ್ವಕಾರ್ಯಾಣಿ ಗೋತ್ರರಾಟ್.
ವೇಂಕಟೇಶಃ ಸದಾ ಪಾತು ಮದ್ಭಾಗ್ಯಂ ದೇವಪೂಜಿತಃ.
ಕುಮಾರಧಾರಿಕಾವಾಸೋ ಭಕ್ತಾಭೀಷ್ಟಾಭಯಪ್ರದಃ.
ಶಂಖಾಭಯಪ್ರದಾತಾ ತು ಶಂಭುಸೇವಿತಪಾದುಕಃ.
ವಾಂಛಿತಂ ವರದೋ ದದ್ಯಾದ್ವೇಂಕಟಾದ್ರಿಶಿಖಾಮಣಿಃ.
ಶ್ವೇತವಾರಾಹರೂಪೋಽಯಂ ದಿನರಾತ್ರಿಸ್ವರೂಪವಾನ್.
ರಕ್ಷೇನ್ಮಾಂ ಕಮಲನಾಥಃ ಸರ್ವದಾ ಪಾತು ವಾಮನಃ.
ಶ್ರೀನಿವಾಸಸ್ಯ ಕವಚಂ ತ್ರಿಸಂಧ್ಯಂ ಭಕ್ತಿಮಾನ್ ಪಠೇತ್.
ತಸ್ಮಿನ್ ಶ್ರೀವೇಂಕಟಾಧೀಶಃ ಪ್ರಸನ್ನೋ ಭವತಿ ಧ್ರುವಂ.
ಆಪತ್ಕಾಲೇ ಜಪೇದ್ಯಸ್ತು ಶಾಂತಿಮಾಯಾತ್ಯುಪದ್ರವಾತ್.
ರೋಗಾಃ ಪ್ರಶಮನಂ ಯಾಂತಿ ತ್ರಿರ್ಜಪೇದ್ಭಾನುವಾಸರೇ.
ಸರ್ವಸಿದ್ಧಿಮವಾಪ್ನೋತಿ ವಿಷ್ಣುಸಾಯುಜ್ಯಮಾಪ್ನುಯಾತ್.
ಪುರುಷೋತ್ತಮ ಸ್ತೋತ್ರ
ನಮಃ ಶ್ರೀಕೃಷ್ಣಚಂದ್ರಾಯ ಪರಿಪೂರ್ಣತಮಾಯ ಚ. ಅಸಂಖ್ಯಾಂಡಾಧಿಪತಯೇ ....
Click here to know more..ಶುಕ್ರ ಕವಚ
ಓಂ ಅಸ್ಯ ಶ್ರೀಶುಕ್ರಕವಚಸ್ತೋತ್ರಮಂತ್ರಸ್ಯ. ಭಾರದ್ವಾಜ ಋಷಿಃ. ಅನ....
Click here to know more..ಅಧ್ಯಯನದಲ್ಲಿ ಯಶಸ್ಸಿಗೆ ಅಥರ್ವ ವೇದ ಮಂತ್ರ
ಯೇ ತ್ರಿಷಪ್ತಾಃ ಪರಿಯಂತಿ ವಿಶ್ವಾ ರೂಪಾಣಿ ಬಿಭ್ರತಃ । ವಾಚಸ್ಪತಿ....
Click here to know more..