ವೇಂಕಟೇಶ ವಿಭಕ್ತಿ ಸ್ತೋತ್ರ

ಶ್ರೀವೇಂಕಟಾದ್ರಿಧಾಮಾ ಭೂಮಾ ಭೂಮಾಪ್ರಿಯಃ ಕೃಪಾಸೀಮಾ.
ನಿರವಧಿಕನಿತ್ಯಮಹಿಮಾ ಭವತು ಜಯೀ ಪ್ರಣತದರ್ಶಿತಪ್ರೇಮಾ.
ಜಯ ಜನತಾ ವಿಮಲೀಕೃತಿಸಫಲೀಕೃತಸಕಲಮಂಗಲಾಕಾರ.
ವಿಜಯೀ ಭವ ವಿಜಯೀ ಭವ ವಿಜಯೀ ಭವ ವೇಂಕಟಾಚಲಾಧೀಶ.
ಕನೀಯಮಂದಹಸಿತಂ ಕಂಚನ ಕಂದರ್ಪಕೋಟಿಲಾವಣ್ಯಂ.
ಪಶ್ಯೇಯಮಂಜನಾದ್ರೌ ಪುಂಸಾಂ ಪೂರ್ವತನಪುಣ್ಯಪರಿಪಾಕಂ.
ಮರತಕಮೇಚಕರುಚಿನಾ ಮದನಾಜ್ಞಾಗಂಧಿಮಧ್ಯಹೃದಯೇನ.
ವೃಷಶೈಲಮೌಲಿಸುಹೃದಾ ಮಹಸಾ ಕೇನಾಪಿ ವಾಸಿತಂ ಜ್ಞೇಯಂ.
ಪತ್ಯೈ ನಮೋ ವೃಷಾದ್ರೇಃ ಕರಯುಗಪರಿಕರ್ಮಶಂಖಚಕ್ರಾಯ.
ಇತರಕರಕಮಲಯುಗಲೀದರ್ಶಿತಕಟಿಬಂಧದಾನಮುದ್ರಾಯ.
ಸಾಮ್ರಾಜ್ಯಪಿಶುನಮಕುಟೀಸುಘಟಲಲಾಟಾತ್ ಸುಮಂಗಲಾ ಪಾಂಗಾತ್.
ಸ್ಮಿತರುಚಿಫುಲ್ಲಕಪೋಲಾದಪರೋ ನ ಪರೋಽಸ್ತಿ ವೇಂಕಟಾದ್ರೀಶಾತ್.
ಸರ್ವಾಭರಣವಿಭೂಷಿತದಿವ್ಯಾವಯವಸ್ಯ ವೇಂಕಟಾದ್ರಿಪತೇಃ.
ಪಲ್ಲವಪುಷ್ಪವಿಭೂಷಿತಕಲ್ಪತರೋಶ್ಚಾಪಿ ಕಾ ಭಿದಾ ದೃಷ್ಟಾ.
ಲಕ್ಷ್ಮೀಲಲಿತಪದಾಂಬುಜಲಾಕ್ಷಾರಸರಂಜಿತಾಯತೋರಸ್ಕೇ.
ಶ್ರೀವೇಂಕಟಾದ್ರಿನಾಥೇ ನಾಥೇ ಮಮ ನಿತ್ಯಮರ್ಪಿತೋ ಭಾರಃ.
ಆರ್ಯಾವೃತ್ತಸಮೇತಾ ಸಪ್ತವಿಭಕ್ತಿರ್ವೃಷಾದ್ರಿನಾಥಸ್ಯ.
ವಾದೀಂದ್ರಭೀಕೃದಾಖ್ಯೈರಾರ್ಯೈ ರಚಿತಾ ಜಯತ್ವಿಯಂ ಸತತಂ.

Ramaswamy Sastry and Vighnesh Ghanapaathi

Other stotras