ಅವ್ಯಾದ್ವೋ ವಾಮನೋ ಯಸ್ಯ ಕೌಸ್ತುಭಪ್ರತಿಬಿಂಬಿತಾ.
ಕೌತುಕಾಲೋಕಿನೀ ಜಾತಾ ಜಾಠರೀವ ಜಗತ್ತ್ರಯೀ.
ಅಂಘ್ರಿದಂಡೋ ಹರೇರೂರ್ಧ್ವಮುತ್ಕ್ಷಪ್ತೋ ಬಲಿನಿಗ್ರಹೇ.
ವಿಧಿವಿಷ್ಟರಪದ್ಮಸ್ಯ ನಾಲದಂಡೋ ಮುದೇಽಸ್ತು ನಃ.
ಖರ್ವಗ್ರಂಥಿವಿಮುಕ್ತಸಂಧಿವಿಲಸದ್ವಕ್ಷಃಸ್ಫುರತ್ಕೌಸ್ತುಭಂ
ನಿರ್ಯನ್ನಾಭಿಸರೋಜಕುಡ್ಮಲಪುಟೀಗಂಭೀರಸಾಮಧ್ವನಿ.
ಪಾತ್ರಾವಾಪ್ತಿಸಮುತ್ಸುಕೇನ ಬಲಿನಾ ಸಾನಂದಮಾಲೋಕಿತಂ
ಪಾಯಾದ್ವಃ ಕ್ರಮವರ್ಧಮಾನಮಹಿಮಾಶ್ಚರ್ಯಂ ಮುರಾರೇರ್ವಪುಃ.
ಹಸ್ತೇ ಶಸ್ತ್ರಕಿಣಾಂಕಿತೋಽರುಣವಿಭಾಕಿರ್ಮೀರಿತೋರಃಸ್ಥಲೋ
ನಾಭಿಪ್ರೇಂಖದಲಿರ್ವಿಲೋಚನಯುಗಪ್ರೋದ್ಭೂತಶೀತಾತಪಃ.
ಬಾಹೂರ್ಮಿಶ್ರಿತವಹ್ನಿರೇಷ ತದಿತಿ ವ್ಯಾಕ್ಷಿಪ್ಯವಾಕ್ಯಂ ಕವೇಃ
ತಾರೈರಧ್ಯಯನೈರ್ಹರನ್ಬಲಿಮನಃ ಪಾಯಾಜ್ಜಗದ್ವಾಮನಃ.
ಸ್ವಸ್ತಿ ಸ್ವಾಗತಮರ್ಥ್ಯಹಂ ವದ ವಿಭೋ ಕಿಂ ದೀಯತಾಂ ಮೇದಿನೀ
ಕಾ ಮಾತ್ರಾ ಮಮ ವಿಕ್ರಮತ್ರಯಪದಂ ದತ್ತಂ ಜಲಂ ದೀಯತಾಂ.
ಮಾ ದೇಹೀತ್ಯುಶನಾಬ್ರವೀದ್ಧರಿರಯಂ ಪಾತ್ರಂ ಕಿಮಸ್ಮಾತ್ಪರಂ
ಚೇತ್ಯೇವಂ ಬಲಿನಾರ್ಚಿತೋ ಮಖಮುಖೇ ಪಾಯಾತ್ಸ ವೋ ವಾಮನಃ.
ಸ್ವಾಮೀ ಸನ್ಭುವನತ್ರಯಸ್ಯ ವಿಕೃತಿಂ ನೀತೋಽಸಿ ಕಿಂ ಯಾಚ್ಞಯಾ
ಯದ್ವಾ ವಿಶ್ವಸೃಜಾ ತ್ವಯೈವ ನ ಕೃತಂ ತದ್ದೀಯತಾಂ ತೇ ಕುತಃ.
ದಾನಂ ಶ್ರೇಷ್ಠತಮಾಯ ತುಭ್ಯಮತುಲಂ ಬಂಧಾಯ ನೋ ಮುಕ್ತಯೇ
ವಿಜ್ಞಪ್ತೋ ಬಲಿನಾ ನಿರುತ್ತರತಯಾ ಹ್ರೀತೋ ಹರಿಃ ಪಾತು ವಃ.
ಬ್ರಹ್ಮಾಂಡಚ್ಛತ್ರದಂಡಃ ಶತಧೃತಿಭವನಾಂಭೋರುಹೋ ನಾಲದಂಡಃ
ಕ್ಷೋಣೀನೌಕೂಪದಂಡಃ ಕ್ಷರದಮರಸರಿತ್ಪಟ್ಟಿಕಾಕೇತುದಂಡಃ.
ಜ್ಯೋತಿಶ್ಚಕ್ರಾಕ್ಷದಂಡಸ್ತ್ರಿಭುವನವಿಜಯಸ್ತಂಭದಂಡೋಽಙ್ಘ್ರಿದಂಡಃ
ಶ್ರೇಯಸ್ತ್ರೈವಿಕ್ರಮಸ್ತೇ ವಿತರತು ವಿಬುಧದ್ವೇಷಿಣಾಂ ಕಾಲದಂಡಃ.
ಯಸ್ಮಾದಾಕ್ರಾಮತೋ ದ್ಯಾಂ ಗರುಡಮಣಿಶಿಲಾಕೇತುದಂಡಾಯಮಾನಾ-
ದಾಶ್ಚ್ಯೋತಂತ್ಯಾಬಭಾಸೇ ಸುರಸರಿದಮಲಾ ವೈಜಯಂತೀವ ಕಾಂತಾ.
ಭೂಮಿಷ್ಠೋ ಯಸ್ತಥಾನ್ಯೋ ಭುವನಗೃಹಮಹಾಸ್ತಂಭಶೋಭಾಂ ದಧಾನಃ
ಪಾತಾಮೇತೌ ಪಯೋಜೋದರಲಲಿತತಲೌ ಪಂಕಜಾಕ್ಷಸ್ಯ ಪಾದೌ.
ಕಸ್ತ್ವಂ ಬ್ರಹ್ಮನ್ನಪೂರ್ವಃ ಕ್ವ ಚ ತವ ವಸತಿರ್ಯಾಖಿಲಾ ಬ್ರಹ್ಮಸೃಷ್ಟಿಃ
ಕಸ್ತೇ ನಾಥೋ ಹ್ಯನಾಥಃ ಕ್ವ ಸ ತವ ಜನಕೋ ನೈವ ತಾತಂ ಸ್ಮರಾಮಿ.
ಕಿಂ ತೇಽಭೀಷ್ಟಂ ದದಾಮಿ ತ್ರಿಪದಪರಿಮಿತಾ ಭೂಮಿರಲ್ಪಂ ಕಿಮೇತತ್
ತ್ರೈಲೋಕ್ಯಂ ಭಾವಗರ್ಭಂ ಬಲಿಮಿದಮವದದ್ವಾಮನೋ ವಃ ಸ ಪಾಯಾತ್.
ಅರ್ಧನಾರೀಶ್ವರ ನಮಸ್ಕಾರ ಸ್ತೋತ್ರ
ಶ್ರೀಕಂಠಂ ಪರಮೋದಾರಂ ಸದಾರಾಧ್ಯಾಂ ಹಿಮಾದ್ರಿಜಾಂ| ನಮಸ್ಯಾಮ್ಯರ್....
Click here to know more..ವಿಷ್ಣು ಷಟ್ಪದೀ ಸ್ತೋತ್ರ
ಅವಿನಯಮಪನಯ ವಿಷ್ಣೋ ದಮಯ ಮನಃ ಶಮಯ ವಿಷಯಮೃಗತೃಷ್ಣಾಂ. ಭೂತದಯಾಂ ವಿ....
Click here to know more..ಶ್ರೀ ಬೀರೇಶ್ವರ ಚರಿತ್ರ
ಶ್ರೀ ಬೀರೇಶ್ವರ ಕಥೆ ಮತ್ತು ಹಿರಿಮೆ....
Click here to know more..